رووداو - هەولێر
لە مووشی باکووری کوردستان و لە ئەنجامی وەرگەڕانی پاسێک، 13 کرێکار برینداربوون.
رووداوەکە ئەمڕۆ پێنجشەممە 8ی ئەیلوولی 2022 روویدا. پاسەکە دوای تەواوبوونی کاری کرێکارەکان لە رێگەی سەرەکیی مووش -بەدلیس وەرگەڕا و 12 کرێکار و شوفێری پاسەکە برینداربوون.
تیمەکانی تەندروستی چوونە شوێنی رووداوەکە و دوای چارەسەری سەرەتایی، 13 بریندارەکەیان بۆ نەخۆشخانەکان گواستەوە. سێ لە بریندارەکان دۆخی تەندروستییان ناجێگیرە.
ساڵی رابردوو لە مووش دوو هەزار و 14 رووداوی هاتووچۆ روویاندا و لە ئەنجامدا 88 کەس گیانیان لەدەستدا و هەزار و 991 کەس برینداربوون.
هەر بەگوێرەی ئامارە فەرمییەکان، ساڵی رابردوو لە سەرتاسەری باکووری کوردستان و تورکیادا یەک ملیۆن و 186 هەزار و 353 رووداوی هاتووچۆ روویاندا و بەهۆیانەوە پێنج هەزار و 362 کەس گیانیان لەدەستدا و 274 هەزار و 615 کەسیش برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ