رووداو دیجیتاڵ
بوومەلەرزەیەک لە سنووری گەڤەر روویدا و لە سنووری ئیدارەی سەربەخۆی سۆران هەستی پێکرا.
بوومەلەرزەکە کاژێر 07:36ـی ئەمڕۆ (یەکشەممە, 11-2-2024) بە گوڕی 4.4 پلەی رێختەر روویدا.
سەرۆکایەتیی کارەساتی لەناکاو و فریاگوزاریی تورکیا (ئافاد) رایگەیاند، بوومەلەرزەکە لە سنووری شارۆچكەی گەڤەر سەر بە پارێزگای جۆلەمێرگ روویداوە.
بوومەلەرزەکە لە سنووری قەزای مێرگەسۆر لە پارێزگەی هەولێر هەستی پێکرا.
حەمەید حەسەن، بەرپرسی بەشی بوومەلەرزەزانی لە کەشناسیی دهۆک بە تۆڕی میدیایی رووداوی گوت، "چەقی بوومەلەرزەکە سنووری نێوان پارێزگەکانی هەولێر و جۆلەمێرگ بووە".
حەمید حەسەن گوتیشی، قووڵایی بوومەلەرزەکە 10 کیلۆمەتر بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ