قوباد تاڵەبانی بۆ رووداو: دەمانەوێت حکومەتی داهاتوو باشترین بێت لە مێژووی کوردستان دا

 

قوباد تاڵەبانی ئەم گوتانەی ئەمڕۆ سێشەممە، 11ی شوباتی 2025، لە میانی کۆڕبەندی لووتکەی حکومەتەکان لە دووبەی بۆ سەنگەر عەبدولڕەحمان، پێشکێشکاری رووداو کرد.

 

کۆڕبەندەکە هەر ئەمڕۆ دەستیپێکردووە و سێ رۆژ بەردەوام دەبێت؛ چاوەڕوان دەکرێت زیاتر لە 30 سەرۆک و سەرۆکوەزیرانی وڵات، لەگەڵ زیاتر لە 400 وەزیر بەشداریی بکەن. هاوکات بە بەشداریکردنی سەرۆک و بەڕێوەبەری رێکخراوە نێودەوڵەتییەکان و هەزاران کەسایەتیی نێاداری جیهانی لە سەرجەم بوارەکاندا.

 

لە میانەی کۆڕبەندەکەدا کە سەرۆکی حکومەتی هەرێمی کوردستان و جێگرەکەی و چەندین وەزیری دیکەی حکومەت لە کۆڕبەندەکە بەشدارن. سەنگەر عەبدولڕەحمان، نێردراوی رووداو لە دوبەی هەڤپەیڤینێکی لەگەڵ قوباد تاڵەبانی، جێگری سەرۆکی حکومەتی هەرێمی کوردستان سازداوە.

دەقی هەڤپەیڤینی رووداو لەگەڵ قوباد تاڵەبانی:

 

 

قوباد تاڵەبانی: زۆر سوپاس؛ خۆشحاڵم کە لێرە دەتانبینم.

 

 

قوباد تاڵەبانی: پێشەکی سوودی ئەم کۆڕبەندانە، هەم پانێڵەکانن؛ هەم کۆبوونەوەکانن کە لە پەراوێزی کۆڕبەندەکەدا ئەنجام دەدرێت. هاوکات بینینی ئەو هەموو لایەنە حکومی و ناحکومییانەن کە لێرەن و ئێمە بتوانین پەیوەندییان پێوە بکەین؛ بتوانین پەیوەندییان لەگەڵ بکەین و سوود لە ئەزموونیان وەربگرین. بۆیە ئەم کۆڕبەندانە هەم بۆ یەکترناسین و بۆ گەیاندنی دۆزەکەی ئێمەش کاریگەریی خۆی هەیە.

 

 

قوباد تاڵەبانی: سوود وەرگرتن لە ئەزموونی وڵاتێکی وەکو ئیمارات، کە هەنگاوی زۆر باشیان لەپێناوی رۆتینات ناوە؛ لەپێناوی دروستکردنی ژێرخانێکی پتەو؛ لە رێگەوبان بێت؛ لە سیستمی پاس بێت؛ لە چۆنیەتیی ئیدارەدانی شارەوانییەکانیان بێت. ئەمانە هەموو ئەزموونی باشن کە ئێمە بتوانین سوودیان لێوەربگرین؛ بۆیە پانێڵەکانیش هەموویان باسی ئەو پێشکەوتنانە دەکەن لە جیهانی پێشکەوتندا و لە جیهانبینیی حوکمڕانیدا. رەنگە ستایلەکەی ئێمە بە حوکمی ئەو کێشانەی پێیدا رۆیشتووین هەندێک دامەزراوەی تەقلیدیمان هەبێت بۆ نموونە؛ لێرە دەبینین چۆن دامەزراوەی حکومی و کەرتی تایبەت یەکیان گرتووە بۆ بەڕێوەبردنی هەندێک کەرت. ئێمە دەتوانین زۆر سوود لەو جۆرە ئەزموونانە ببینین. بۆیە بەش بە حاڵی خۆم خۆشحاڵم لێرەم و لێرەین. ئیشاڵڵا سوودیشی بۆ هەرێمی کوردستان دەبێت.

 

 

قوباد تاڵەبانی: بەداخەوە کە ئەوە سەرنجڕاکێش بێت؛ دەبێت شتێکی زۆر ئاسایی بێت کە سەرۆکی حکومەت و جێگری سەرۆکی حکومەت بەیەکەوە گەشتێک بکەن. 

 

 

قوباد تاڵەبانی: ئەوە گرنگە کە لێرەین بەیەکەوە.

 

 

قوباد تاڵەبانی: گەشبینم؛ بەڵام پێشتریش گەشبین بووین؛ بۆیە دەبێ هەم گەشبین بین، هەمیش بەردەوام بین. بەردەوام بین لە گفتوگۆکان؛ بەردەوام بین لە ناردنی شاندەکان؛ بەردەوام بین لە پێشوازیکردنی شاندەکانی ئەوان؛ بەردەوام بین لەو گفتوگۆیەی کە پێویستە لە نێوانمان بەردەوام بێت. لە رووی سیاسی، تەکنیکی، ئەمنی و ئابوورییەوە؛ هەست دەکەم گەیشتووینەتە لێکتێگەیشتنێک لەسەر پرسی مووچە؛ بەڵام لە بیرمان نەچێت دۆزی کورد...

 

 

قوباد تاڵەبانی: رێککەوتن، بەڵام رێککەوتنیش بەبێ لێکتێگەیشتن نابێت. بەڵام پرسی ئێمە تەنیا پرسی مووچە نییە؛ بەداخەوە پرسی مووچە، راستە گرنگە، راستە کاریگەری لەسەر تاک بە تاکی کۆمەڵانی خەڵکی کوردستان کردووە. بەڵام دۆزی کورد و کوردستان زۆر لە پرسی مووچە گەورەترە. ئێستا کە کێشەی مووچە چارەسەر بووبێت، کە هیوادارین چارەسەر بووبێت؛ دەتوانین بێینە سەر دۆزەکانی دیکە؛ کە پێگە و هەیبەتی کوردستان پارێزراو بمێنێتەوە لە چوارچێوەی عێراقێکی فیدراڵیدا.

 

 

قوباد تاڵەبانی: بەپێی ئەو رێککەوتنەی هەمانە لەگەڵ حکومەتی فیدراڵی و بەڵینەکانی وەزارەتی دارایی، ئەو لیستەی مانگی یەک کە پێشکێش کرا و پەسند کرا؛ ئیتر ئەوە بۆ ساڵەکە دەبێتە قاڵبێک بۆ ئەوەی بتوانین مانگانە مووچەی مووچەخۆرانی هەرێمی کوردستان بدرێت. 

 

 

قوباد تاڵەبانی: بەبێ کێشە.

 

 

قوباد تاڵەبانی: بەردەوامن، پێموایە هەنگاوی باشیان ناوە، کۆبوونەوەکان لە دوو ئاستدا ئەنجام دەدرێن؛ بڵێین لە ئاستێکی باڵا و سیاسی؛ بەڵام بۆمان دەرکەوت بەشێکی زۆر لە بابەتەکان لە رووی تەکنیکیەوە باس بکرێن؛ کە پەیوەندییان بە گەوهەری حوکمڕانییەوە هەیە. پەیوەندییان بە گەیشتن بە تێگەیشتنێک لەسەر پرسی شەراکەت لە حوکمڕانی، بڕیاردان، بەرپرسیاریەتی و بابەتەکان هەیە؛ من پێم وایە هەنگاوێکی باش چووینەتە پێشەوە و لاپەڕەیەکی هاوبەش ئامادەکراوە؛ کە هەندێک خاڵی تێدایە لەسەریان کۆکین.

 

 

قوباد تاڵەبانی: جارێ ئەوەتان پیناڵێم؛ چونکە ئێمە لە نێوان خۆماندا هەوڵ دەدەین ئەوانەی کە کۆکین لەسەریان زیاتر بن؛ ئەوانەی کە کۆکین دەبێت ئالیەتیان بۆ دابنرێت خۆ ئێمە زۆر جار رێککەوتن هەبووە لە نێوان پارتی و یەکێتیدا، بەڵام کە سەیری رێککەوتنەکان دەکەی، کۆمەڵێک سەردێڕ بوون؛ هیچ جۆرە ئالیەتێکیان نەبووە بۆ چۆنیەتی جێبەجێکردن و ناوەرۆکی ئەو رێککەوتنە؛ ئەی ئەگەر لایەنێک پابەند نەبوو، چی روو دەدا، ئێمە دەمانەوێ...

 

 

قوباد تاڵەبانی: چووینەتە وردەکارییەکی زۆر قووڵەوە؛ بۆیە داوا لە کۆمەڵانی خەڵکی کوردستانیش دەکەین کە ئارامیان هەبێت؛ دەمانەوێت حکومەتێک هەبێت کە باشترین حکومەت بێت لە مێژووی حوکمڕانی کوردستاندا؛ ئەوە نیازی یەکێتییە؛ دڵنیام نیازی پارتیشە؛ بۆیە دەمانەوێت حکومەتێکمان هەبێت ئیتر نەهێڵین سیاسەت و جەوە سیاسییەکە، کاریگەری لەسەر ئەدای حکومەت نەبێت.

 

 

قوباد تاڵەبانی: بێگومان لەگەڵ جەنابی سەرۆکوەزیران باسی زۆر شتمان کرد.

 

 

قوباد تاڵەبانی: وەڵامێکم نییە؛ چونکە بابەتەکان وەکو گوتم، بەلای منەوە زۆر گرنگترە حکومەتێکی تۆکمەمان هەبێت؛ کە ئەرک و دەور و بەرپرسیاریەتییەکان روون و ئاشکرا بن بۆ هەموو ئەو لایەنانەی کە حکومەتەکە پێک دەهێنن، گرنگترە و بەردەوامتر دەبێت لە حکومەتێک کە هەر بە پەلەپەل پێکی بهێنین لەپێناوی دروستکردنی روانینێک کە هیچ کێشە لە هەرێمی کوردستاندا نییە.

 

 

قوباد تاڵەبانی: نەخێر، هەرگیز.

 

 

قوباد تاڵەبانی: هەرگیز.

 

 

قوباد تاڵەبانی: تەنیا لەسەر شیوازی حوکمڕانی، بڕیاردان، دانانی لەپێشینە و دابەشکردنی ئەرک و بەرپرسیاریەتیمان قسەمان کردووە.

 

 

قوباد تاڵەبانی: جارێ نازانین!

 

 

قوباد تاڵەبانی: من بە ئیشی خۆمی نازانم باسی بۆچوونی لایەنی دیکە بکەم؛ ئەوە خۆیان.

 

 

قوباد تاڵەبانی: ئێمە و پارتی لەگەڵ هەموو لایەنەکان کۆبووینەتەوە؛ بەڵام دیسان ئەوە ئیشی من نییە بۆچوونی لایەنێکی دیکەتان پێشکێش بکەم؛ ئەوە خۆیان دەتوانن بیکەن؛ هاوکات هەندێکیشیان کردوویانە.

 

 

قوباد تاڵەبانی: بەڕێزی گیان، چاوی منیت.