هەڵەیەک روویدا! دووبارە هەوڵبدە
رووداو دیجیتاڵ
ئاداما تورارێ، یاریزانی هەڵبژاردەی مالی و یانەی ئامەدسپۆر لە دوایین چرکەکاندا تاکە گۆڵی یارییەکەی تۆمارکرد و یانەی ئەنقەرەگوجوی تووشی شکست کرد.
یانەی ئامەدسپۆر لە هەفتەی 19یەمی خولی یانە پلە یەکەکانی تورکیا لە یاریگەی خۆیدا میوانداریی یانەی ئەنقەرەگوجوی کرد و یارییەکەی بە گۆڵێکی بێ بەرامبەر لێ بردەوە.
یارییەکە ئێوارەی رۆژی یەکشەممە 12-1-2025 لە ئامەد بە ئامادەبوونی نزیکەی 20 هەزار هاندەر بەڕێوەچوو.
ئەگەرچی چەندین هەل بۆ هەردوولا رەخسا، بەڵام گێمی یەکەمی یارییەکە بێ تۆمارکردنی گۆڵ کۆتاییهات.
لە گێمی دووەمدا هەردوولا و بەتایبەتیش ئامەدسپۆر گوشاری زۆریان دەکرد بۆ ئەوەی گۆڵ تۆمار بکەن.
یاریزانانی ئامەدسپۆر چەند هەلێکی ئاسانیان لەدەستدا. بەتایبەتی دوای خولەکەکانی 70 هەریەک لە ئاداما تورارێ و چەکدار ئۆرهان دوو هەلی گۆڵکردنیان لەدەستدا.
ئاداما تورارێ کە ئامەدییەکان بە 'رەشۆ' ناوی دەبەن، لە خولەکی 90+6ی یارییەکە کە دوایین چرکەکان بوو، لە دەرەوەی هێڵی سزاوە لێدانێکی زەوینیی ئاراستەی گۆڵی ئەنقەرە گوجو کرد و سێ خاڵی بۆ ئامەدسپۆر دەستخست. بەمجۆرە یارییەکەی بە 1-0 بۆ ئامەدسپۆر کۆتاییهات.
ئامەدسپۆر لە کۆی 19 یارییدا 29 خاڵی کۆکردووەتەوە و لە پلەی پێنجەمی خولی یانە پلە یەکەکانی تورکیایە. ئەمە لەکاتێکدایە یانەی کۆجائەلی سپۆر 41 خاڵی هەیە و پێشەنگە. هەروەها یانەی کاراگومروک و باندرماسپۆر 34 خاڵیان هەیە دووەم و سێیەمن. یانەی ئەرزەڕۆم سپۆریش بە 30 خاڵ لە پلەی چوارەمدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ