هەڵەیەک روویدا! دووبارە هەوڵبدە
وێنەی سێ کوژراوەکە
رووداو دیجیتاڵ
قایمقامی شێخان دەڵێت، لە ناحیەی کەڵەکچی لە سنووری پارێزگای دهۆک سێ کەس کوژران.
رۆژی سێشەممە، 13ـی ئایاری 2025، سەردار شێخ یەحیا، قایمقامی شێخان بە تۆڕی میدیایی رووداوی گوت، "لەسەر کێشەی کۆمەڵایەتی، کەسێک برایەکی خۆی و دوو براژنی کوشتووە."
وەکو قایمقامی شێخان دەڵێت، ئەو سێ کەسەی کوژراون لەگەڵ تۆمەتباریش دانیشتووی ناحیەی کەڵەکچین لە سنووری شێخان.
بەگوێرەی زانیارییەکانی رووداو، دوو ژنەکە بە ناوەکانی (د. ج. ش) و (س. ع. ئ) هەردووکیان لەدایکبووی ساڵی 2000ـن، پیاوەکەش بەناوی (ل. ئ. ئ) لەدایکبووی ساڵی 1993یە.
بە گوتەی سەردار شێخ یەحیا، تۆمەتبار بە ناوی (ئ. ئ. ئ)، دوای رووداوەکە رایکردووە و هێشتا دەستگیر نەکراوە، هێزەکانی پۆلیس و ئاسایش بەردەوامن لە لێکۆڵینەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ