هەڵەیەک روویدا! دووبارە هەوڵبدە
رووداو دیجیتاڵ
کەشناسیی هەرێمی کوردستان رایگەیاند، سبەی لە ناوچە سنوورییەکان نمەباران و بارانی پچڕپچڕ دەبارێت. کەشناسێکیش دەڵێت، "پێشبینی دەکرێت تاوەکو نێوەڕاستی هەفتەی داهاتوو پلەی گەرما بە نزمی بمێنێتەوە."
ئەمڕۆ دووشەممە 14ی تەممووزی 2025 بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاند، "ئاسمان بەگشتى لەنێوان پەڵەهەور و نیمچەهەور دەبێت؛ خێرایی با مامناوەندە و پلەی گەرما نزم دەبێتەوە."
لەبارەی کەشوهەوای سبەینێوە کەشناسی روونیکردووەتەوە، ئاسمان نیمچەهەور دەبێت و لە کاتەکانی شەو ئەگەری کەمێک نمەباران و بارانی پچڕپچڕ لە ناوچەکەماندا هەیە.
شاڵاو هیدایەت، شارەزای کەشناسی بە تۆڕی میدیایی رووداوی گوت، "سبەی پلەی گەرما بەهۆی هەڵکردنی بای باکووری رۆژهەڵات نزم دەبێتەوە؛ کاتەکانی نیوەڕۆ و ئێوارە ئاسمان هەوری زیاتر و چڕتر دەبێت."
ئەو کەشناسە گوتیشی، "سبەی لە ناوچە شاخاوی و سنوورییەکان، پێشبینیی بارینی رێژنەباران هەیە؛ رەنگە ئەو شەپۆلە تاوەکو نێوەڕاستی هەفتەی داهاتوو بەردەوام بێت و پلەی گەرما بە نزمی بمێنێتەوە."
بەگوێرەی کەشناسی، سبەی خێرایی با لە 10 بۆ 20 کیلۆمەتر لە کاژێرێک دەبێت و مامناوەندە؛ لە کاتەکانی دوای نیوەڕۆ تاوەکو ئێوارە لە ناوچەکانی نێوەڕاست و رۆژئاوادا، کەمێک چالاک دەبێت بۆ سەرووی 30 کیلۆمەتر لە کاژێرێک بەرز دەبێتەوە. بەو هۆیەوە پلەی گەرما 2 پلەی سیلیزی نزم دەبێتەوە.
بەپێی کەشناسیی هەرێمی کوردستان، پلەی گەرمای سبەی سێشەممە بەم شێوەیەی خوارەوە پێشبینی دەکرێت:
هەولێر: 45 پلەی سیلیزی
سلێمانی: 42 پلەی سیلیزی
دهۆک: 44 پلەی سیلیزی
کەرکووک: 46 پلەی سیلیزی
زاخۆ: 44 پلەی سیلیزی
هەڵەبجە: 43 پلەی سیلیزی
سۆران: 42 پلەی سیلیزی
حاجی ئۆمەران: 30 پلەی سیلیزی
گەرمیان: 47 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ