هەڵەیەک روویدا! دووبارە هەوڵبدە
رووداو دیجیتاڵ
شارەوانیی سلێمانی سێ رۆژ دەرفەت دەداتە ئەو بەربژێر و لیستانەی بەهۆی رەشەباوە پۆستەرەکانیان لەسەر شۆستەی شەقامەکان کەوتوون، ئەگەرنا خۆیان لای دەبەن.
سێشەممە 14ی تشرینی یەکەمی 2025، زەردەشت رەفیق، لێپرسراوی راگەیاندنی شارەوانیی سلێمانی بە تۆڕی میدیایی رووداوی راگەیاند: "لەماوەی دوو رۆژی رابردوودا ژمارەیەک لە پۆستەری بەربژێر و لایەنەکان لە لێواری شۆستەی شەقامەکاندا دانرابوون، بەهۆی بەهێزی رەشەباوە کەوتوون و کێشەیان دروستکردووە، داوامان لەو بەربژێر و لیستانە کردووە پۆستەرەکانیان چاک بکەنەوە."
136 بەربژێری تاک و نێو لیستەکان لە سنووری پارێزگای سلێمانی رکابەری دەکەن بۆ بەدەستهێنانی 17 کورسیی پشکی ئەو پارێزگایە بۆ پەرلەمانی عێراق.
لێپرسراوی راگەیاندنی شارەوانیی سلێمانی دەڵێ: "داوامان کردووە تاوەکو رۆژی هەینی 17-10-2025 ئەو پۆستەرانە لاببرێن یان چاک بکرێنەوە بەهۆی رەشەباوە کەوتوون، ئەگەرنا وەکو شارەوانی خۆمان لایان دەبەین."
لە بازنەی سلێمانی 9 لیست رکابەری دەکەن بۆ هەڵبژاردنی پەرلەمانی عێراق کە بڕیارە لە 11ی تشرینی دووەمی ئەم ساڵ بکرێت.
بەگوێرەی رێنماییەکانی کۆمیسیۆنی باڵای سەربەخۆی هەڵبژاردنەکانی عێراق، بە هاوئاهەنگی لەگەڵ شارەوانی و لایەنە پەیوەندیدارەکان ئەو شوێنانە دیاری دەکرێت کە پۆستەری بانگەشەی هەڵبژاردنی تێدا هەڵدەواسرێت.
زەردەشت تۆفیق رایگەیاند :"لەسەرەتای دەستپێکردنی بانگەشەی هەڵبژاردن هەندێک پۆستەر لەو شوێنانە دانرابوون رێگەپێنەدراو بوون و چارەسەرکران."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ