هەڵەیەک روویدا! دووبارە هەوڵبدە
رووداو دیجیتاڵ
دەستەی کەشناسی و بوومەلەرزەزانیی عێراق پێشبینی دەکات شەپۆلی بارانبارین تاوەکو یەکشەممە لە هەرێمى کوردستان بەردەوامبێت و بەڕێوەبەرى راگەیاندنى دەستەکە دەڵێت، "بۆ شەوى هەینى ئەگەر هەیە لە ناوچە شاخاوییەکانى هەرێمى کوردستان بەفر ببارێت."
15ى شوباتى 2024، عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق، بە تۆڕى میدیایی رووداوى راگەیاند: "بەگوێرەى پێشبینییەکانیان، ئەو شەپۆلەى دوو رۆژە عێراقى گرتووەتەوە بۆ رۆژى هەینى، 16ى شوبات بەردەوام دەبێت و بۆ شەو بارانى بەخوڕ و زریان لە پارێزگاکانى هەێمى کوردستان دەبێت و لە ناوچە شاخاوییەکانیش ئەگەرى بەفربارین هەیە."
عامر جابرى گوتیشى: "رۆژى شەممە کاریگەرى ئەو دوو شەپۆلەى دەریاى سپى نێوەڕاست و دەریاى سوور کە عێراقى گرتووەتەوە، لە ناوچەکانى نێوەڕاست و باشوورى عێراق کەم دەبێتەوە، بەڵام کاریگەرییەکانى لەسەر هەرێمى کوردستان تاوەکو رۆژى یەکشەممە بەردەوام دەبێت."
بەگوێرەى ئامارەکانى بەشی کەشناسیی سەر بە وەزارەتی گواستنەوە و گەیاندنی هەرێمی کوردستان، لە ماوەی 24 کاژێری رابردوو زۆرترین باران لە سنووری پارێزگای دهۆک باریوە و بەدیاریکراوی لە ناحیەکانی بجیل و دینارتە کە 121 مللیمەتر بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ