هەڵەیەک روویدا! دووبارە هەوڵبدە
رووداو دیجیتاڵ
نێچیرڤان بارزانی، سەرۆکی هەرێمی کوردستان بەبۆنەی کۆچی دوایی مهعسوومه عهبدولقادر، هاوژینی د. مستەفا زەڵمی؛ سەرەخۆشیی ئاراستەی بنەماڵەکانیان دەکات.
سەرۆکایەتیی هەرێمی کوردستان رۆژی سێشەممە 15-07-2025 پەیامێکی سەرەخۆشیی نێچیرڤان بارزانی، سەرۆکی هەرێمی کوردستانی بڵاوکردەوە، کە تێیدا هاتووە، "بۆ كۆچى دوايى خوالێخۆشبوو خاتوو مهعسوومه عهبدولقادر، هاوسهرى مامۆستاى خوالێخۆشبوو مستهفا زهڵمى، سهرهخۆشى له خانهوادهى مامۆستا زهڵمى و كهسوكارى بهڕێزيان دهكهم، هاوسۆز و هاوخهميانم."
سەرۆکی هەرێمی کوردستان دەشڵێت، "له خواى مهزن داواكارم، گيانى خوالێخۆشبوو به بهزهيى و ميهرهبانيى خۆى شاد بكات و ئارامى و دڵنهوايى به ههمووان ببهخشێت."
گەلاوێژ مستەفا، کچی د. مستەفا زەڵمی بە تۆڕی میدیایی رووداوی گوت، "دایکم تەمەنی 93 ساڵ بوو، ئەمڕۆ کۆچی دواییکرد. دایکم بەساڵاچوو و نەخۆش بوو، ئاو لە سنگی کۆدەبووەوە. هاوکات کێشەی دڵیشی هەبوو و هەوکردنیش لە گەدەیدا هەبوو، کە ئەمانە کاریگەریی خراپتریان لەسەر جەستەی دروست کرد."
ئەو کچەی مستەفا زەڵمی گوتیشی، سێ رۆژ لە سنووری سلێمانی و هەڵەبجە پرسە بۆ دایکی کۆچکردوویان دادەنێن و دوای گەڕانەوەیان لە هەولێریش پرسە دادەنێن.
زانای ناوداری كورد و جیهانی ئیسلامی پرۆفیسۆر د. مستەفا زەڵمی رۆژی 04-06-2016 لە تەمەنی 92 ساڵیدا لە هەولێر كۆچی دواییكرد.
پرۆفیسۆر د. مستەفا زەڵمی
- ساڵی 1924 لە گوندی زەڵمی هەورامانی سەر بە پارێزگای هەڵەبجە لەدایكبوو.
- ساڵی 1946 لە كۆیە خوێندنی ئایینی تەواوكرد.
- ساڵی 1965 بەكالۆریۆسی لە یاسا لە زانكۆی بەغدا بەدەستهێنا.
- ساڵی 1969 ماستەری لە شەریعە لە زانكۆی بەغدا بەدەستهێنا.
- ساڵی 1971 ماستەری لە فیقهی بەراوردكاری لە زانكۆی ئەزهەر وەرگرت.
- ساڵی 1973 ماستەری لە یاسا لە زانكۆی قاهیرە بەدەستهێنا.
- ساڵی 1975 دكتۆرای لە فیقهی بەراوردكاری لە زانكۆی ئەزهەر بەدەستهێنا.
- ساڵی 2005 دكتۆرای دووەمی لە یاسا لە زانكۆی بەغدا بە پلەی ئیمتیاز وەرگرت.
- بەرەبەیانی رۆژی شەممە 4-6-2016 لە شاری هەولێر كۆچی دوایی كرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ