کوردستان
کۆبوونەوەی مەسرور بارزانی، سهرۆكی حكومهتی ههرێمی كوردستان لەگەڵ شاندێکی كهسایهتییه ئاشوورییهكانی نیشتەجێی ئەمریکا
رووداو دیجیتاڵ
سەرۆکی حکومەتی هەرێمی کوردستان لەگەڵ شاندێکی کەسایەتییە ئاشوورییەکانی نیشتەجێی ئەمریکا کۆبووەوە. بەپێی راگەیێندراوی حکومەت، شاندەکە ستایشی دۆخی پێکەوەژیانی ئاشتییانەیان لە هەرێمی کوردستان کردووە.
ئهمڕۆ دووشەممە 15ی ئەیلوول مەسرور بارزانی، سهرۆكی حكومهتی ههرێمی كوردستان لەمیانی پێشوازیکردنیدا لە شاندێکی كهسایهتییه ئاشوورییهكانی نیشتەجێی ئەمریکا، پابەندبوونی حکومەتی بە پاراستنی مافی گشت پێکهاتەکان دووپات کردەوە.
بەپێی راگەیێندراوی حکومەتی هەرێمی کوردستان، شاندەکە کە بە سهرۆكایهتیی سام دهرمۆ، سهرۆكی دامهزراوهی "ئاشوورییهكان لهپێناو دادوهریدا" بوو، ستایشی دۆخی بەیەکەوەژیانی ئاشتییانە و ئازادیی ئایینیی لە هەرێمی کوردستان کرد.
مەسرور بارزانی، سەرۆکوەزیرانی هەرێمی کوردستان لەگەڵ سام دەرمۆ، سەرۆکی دامەزراوەی ئاشورییەکان لەپێناو دادپەروەری کۆبووەوە
— Rudaw (@Rudawkurdish) September 15, 2025
سەرۆکوەزیران دەڵێت، پابەندبوونی حکومەتمان بە پاراستنی مافی گشت پيکهاتەکان و پەرەپێدانی زیاتری کولتووری بەیەکەوەژیان و ئازادیی ئایینی لە هەرێمی کوردستان دووپات… pic.twitter.com/YvqZvezOQk
لای خۆیەوە، سهرۆكی حكومهتی هەرێمی کوردستان ئاماژهی بهوه دا، حکومەت بەردەوام دەبێت لە پەرەپێدانی زیاتری کولتووری بەیەکەوەژیان و لێبووردەیی لەنێوان سەرجەم پێکهاتە نەتەوەیی و ئایینییەکانی هەرێمی کوردستان دا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ