رووداو دیجیتاڵ
سەرۆک مەسعود بارزانی پیرۆزبایی جەژنی سەری ساڵ لە کوردانی ئێزدی دەکات و دەڵێت، پێویستە بە ئازادی بگەڕێنەوە سەر ماڵ و حاڵی خۆیان و کۆتایی بە ئاوارەیی و نەهامەتییەکانی ئەوان بهێندرێت.
سەرۆک بارزانی لە پەیامێک دا، ئەمڕۆ سێشەممە، 16ـی نیسانی 2024، پیرۆزبایی جەژنی سەری ساڵی لە کوردانی ئێزدی کرد و رایگەیاند، "خوشک و برایانی ئێزدی بەشێکی رەسەنی گەلی کوردستانن، لە خۆشی، سەرکەوتن، ئازار و نەخۆشیدا ئێمە هەموومان هاوبەشین."
سەرۆک بارزانی لە پەیامەکەیدا دەڵێت، "پێویستە خوشک و برایانی ئێزدی، بە سەربەستی و ئازادی بگەڕێنەوە سەر ماڵ و حاڵی خۆیان و کۆتایی بە ئاوارەیی و نەهامەتییەکانیان بێت کە ناحەزانی گەلی کوردستان بەردەوام بەسەر ئەواندا سەپاندوویانن".
لە بەشێکی پەمەکەیدا، سەرۆک بارزانی رایدەگەیێنێت، "کوردستان وڵاتی پێکەوەژیانە و پێویستە ئەم فەرهەنگە دەوڵەمەندە پارێزگاری لێ بکرێت".
بۆ جەژنی سەری ساڵیان، سەرۆک بارزانی دەڵێت، هیوادارە کوردانی ئێزدی هەموو جەژن و بۆنەیەکیان بە ئاشتی و دڵخۆشی دەرباز بکەن و هەمیشە لە خۆشی دا بژین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ