رووداو دیجیتاڵ
سەرۆک بارزانی و نێردەی ئەمریکا بۆ کاروباری سووریا لە پیرمام کۆبوونەوە و جەختیان لە چارەسەری ئاشتییانە بۆ دۆخی سووریا کردەوە. باراک، ستایشی رۆڵی سەرۆک بارزانی لە هێورکردنەوەی دۆخی سووریا کرد و سڵاوی ترەمپی پێگەیاند.
رۆژی شەممە (17-1-2026) سەرۆک مەسعود بارزانی لە پیرمام پێشوازی لە تۆم باراک، نێردەی ئەمریکا بۆ کاروباری سووریا و باڵیۆزی ئەو وڵاتە لە تورکیا کرد. لە دیدارەکەدا مەسرور بارزانی، سەرۆکی حکومەتی هەرێمی کوردستانیش ئامادە بوو.
بەگوێرەی راگەیێندراوی بارەگای بارزانی، تۆم باراک سڵاو و رێزی دۆناڵد ترەمپی بە سەرۆک بارزانی گەیاندووە و "پێزانینی هەبووە بۆ رۆڵی سەرۆک بارزانی لە پرۆسەی ئاشتی و هێورکردنەوەی رووداوەکانی ئەم دواییەی سووریا."
بە وێنە؛ پێشوازیی سەرۆک بارزانی و مەسرور بارزانی لە تۆم باراک، نێردەی ئەمریکا بۆ سووریا و باڵیۆزی ئەو وڵاتە لە تورکیا.
— Rudaw (@Rudawkurdish) January 17, 2026
بارەگای بارزانی: تۆم باراک سڵاوی ترەمپی گەیاندە سەرۆک بارزانی و پێزانینی بۆ رۆڵی سەرۆک بارزانی هەبوو لە پرۆسەی ئاشتی و هێوركردنەوەی رووداوەكانی ئەم دواییەی… pic.twitter.com/RmEN8PfvDt
لە دیدارەکەدا دۆخی مەیدانیی سووریا تاوتوێ کرا و هەردوولا جەختیان لەوە کردەوە "بۆ گەیشتن بە چارەسەری کێشەکان، پێویستە پشت بە دیالۆگ و لێکتێگەیشتن و شێوازی ئاشتییانە ببەسترێت."
سەرۆک بارزانی لە دیدارەکەدا سوپاسی رۆڵی ئەمریکای کرد لە یارمەتیدانی لایەنەکان و دووپاتی کردەوە "پێویستە لە داهاتووی سووریادا مافەکانی گەلی کورد گەرەنتی بکرێت."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ