رووداو دیجیتاڵ
هونەرمەند سەلام کۆیی، کە شەی رابردوو بەهۆی تووشبوونی بە جەڵتەی مێشک گەیێندرایە نەخۆشخانە، کەمێک لەمەوبەر کۆچی دواییکرد.
هونەرمەند و دەرهێنەر کارۆخ ئیبراهیم، هەواڵی مردنی هونەرمەند سەلام کۆیی پشتڕاستکردەوە و بە (رووداو)ی راگەیاند "بەداخەوە ئەم بەیانییە، هونەرمەند سەلام کۆیی لە نەخۆشخانەی فریاکەوتنی رۆژئاوای هەولێر کۆچی دواییکرد".
هونەرمەند سەلام کۆیی کاژێر 9:00ی شەوی دووشەممە 16-8-2021 تووشی جەڵتەی مێشک بوو و بەپەلە رەوانەی نەخۆشخانەی رۆژئاوای هەولێر کراوە.
هونەرمەند سەلام کۆیی ساڵی 1955 لەدایکبووە، سەرەتای حەفتاکانی سەدەی رابردوو دەستی بەکاری هونەری کردووە، نزیکەی 50 ساڵە لە بواری نواندندا کار و بەرهەمی هەیە.
بەناوبانگترین ئەو کارانەی کە سەلام کۆیی بەشداری تێدا کردووە، درامای 'هەبوو نەبوو' و 'تاپۆ هەقی چییە'، کە لەوەی دواییان رۆڵی حاجییەکی چاوچنۆک و رەزیل و فێڵبازی بەناوی 'حاجی یادگار' بینیوە.
هونەرمەند سەلام کۆیی، لەم ساڵانەی دوایی تووشی چەند نەخۆشییەک بووبوو، لەوانەش نەخۆشیی شەکرە، دوو ساڵ لەمەوبەریش نەشتەرگەریی دڵی بۆ کرابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ