رووداو دیجیتاڵ
بەگوێرەی پێشبینییەکانی کەشناسیی تورکیا، لە 11 پارێزگای باکووری کوردستان بەفر و باران دەبارێ و هۆشداریی لافاویش لە هەندێک شوێن دەدرێت.
کەشناسیی تورکیا بۆ ئەمڕۆ چوارشەممە 18ی شوباتی 2026 هۆشداریی "کۆدی زەرد"ی باران و بەفربارینی بۆ 19 پارێزگا داوە، 11 یان لە باکووری کوردستانن.
بە گوێرەی راگەیێندراوەکە، لە پێنج پارێزگای باکووری کوردستان بەفر دەبارێ و لە شەش پارێزگای دیکەش باران دەبارێت.
بەگوێرەی پێشنینییەکان، ئەمڕۆ لە پارێزگاکانی سێواز، ئەرزەڕۆم، قەرس، مەڵەتی و وان بارانێکی بەخوڕ و لە ناوچە بەرزەکانی ئەو پارێزگایانەش بەفر دەبارێ.
لە پارێزگاکانی ئامەد، دیلۆک، سێرت، بەدلیس، مەڕەش و رووها هۆشداریی بارانی بەخوڕ دراوە و ئەگەری دروستبوونی لافاویش هەیە.
کەشناسیی تورکیا دەڵێ، لە ناوچە لێژەکاندا کە بڕێکی زۆر بەفری تێدایە، مەترسیی هەرەسی بەفر هەیە. بەو هۆیەوە داوا لە هاووڵاتییان کراوە بە وریاییەوە مامەڵە بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ