هەڵەیەک روویدا! دووبارە هەوڵبدە
رووداو دیجیتاڵ
ئەمڕۆ چوارشەممە لە دادگای دووبز، ئەو خێزانەی عەرەبەی 14 ئەم مانگە لەلایەن موهەیمن حەمدانی، بەربژێری سەرکەوتووی تەقەدووم و پاسەوانەکانی هێرشیان کردە سەر ماڵەکەیان، سکاڵای خۆیان کشاندەوە و سازشیان لە داواکەیان کرد.
سەرچاوەیەک لە پۆلیسی دووبز بە رووداوی راگەیاند، "لە رێگای سوڵحی عەشایەری، بە پارە قەرەبووی ئەو ماڵە کراوەتەوە و ئەوانیش لە پێش دادوەر سازشیان لە داواکەیان کردووە و دۆسیەکەیان داخست".
رووداو زانیویەتی، لە بارەگای فیرقەی هەشتی سوپای عێراق لە کەرکووک، کەسوکاری موهەیمەن حەمدانی بە هاوکاریی فەرماندەی فیرقەی هەشت، سوڵح لەگەڵ ئەو ئەفسەرەی سوپاش کراوە کە لە رۆژی رووداوەکە موهەیمەن بە زلە لێی دابوو.
15ی 11ی 2025 لەسەر نووسینی کۆمێنت لە فەیسبووک، موهەیمەن حەمدانی و پاسەوانەکی دەچنە سەر ماڵی هاووڵاتییەکی عەرەب کە پێشمەرگەیە، خانووەکەیان دەدەنە بەر دەستڕێژی گولـلە و لە دایک و خوشکی پێشمەرگەکە دەدەن، لەسەر ئەم رووداوە هەشت پاسەوانی موهەیمەن دەستگیرکران کە بڕیارە رۆژی یەکشەممە ئەوانیش ئازاد بکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ