رووداو دیجیتاڵ
جێگری پارێزگاری لوڕستان دەڵێت، لە سەرەتای جەنگەوە، 144 کەس بەهۆی هێرشەکانی ئەمریکا و ئیسرائیلەوە کوژراون کە 64ـیان سڤیلن.
ئەمڕۆ هەینی 20-03-2026، سەعید پوورعەلی، جێگری پارێزگاری لوڕستانی رۆژهەڵاتی کوردستان دوایین ئاماری کوژراو و بریندارانی هێرشەکانی ئەمریکا و ئیسرائیلی بۆ سەر پارێزگاکە راگەیاند.
بەگوێرەی ئامارەکە، 101 جار هێرشکراوەتە سەر 64 ناوچەی لورستان و لە ئەنجامدا 80 ئەندامی هێزە ئەمنییەکان و 64 کەسی سڤیل کوژراون.
وەک سەعید پوورعەلی گوتی، لە سەرەتای جەنگەوە دوو هەزار و 427 کەس لە پارێزگاکە بریندار بوون کە 266ـیان هێزی ئەمنی و دوو هەزار و 161ـیان سڤیلن.
بەگوتەی جێگری پارێزگاری لوڕستان، 20٪ـی کوژراو و برینداران ژنن و بچووکترین کوژراو کۆرپەلەیەکی تەمەن پێنج مانگ بووە و بەتەمەنترینیشیان پیاوێکی تەمەن 91 ساڵان بووە.
جەنگی ئەمریکا-ئیسرائیل لەگەڵ ئێران پێی ناوەتە 21ـەم رۆژەوە و تاوەکو ئێستاش بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ