رووداو دیجیتاڵ
لە ئۆپەراسیۆنی هێزە ئەمنییەکانی تورکیا لە پارێزگای وانی باکووری کوردستان، لە هەفتەیەکدا 13 کەس بە تۆمەتی ئەندامبوون و بانگەشەکردن بۆ پارتی کرێکارانی کوردستان-پەکەکە دەستگیرکراون.
بەگوێرەی راگەیێندراوێک، کە ئەمڕۆ دووشەممە 20 تشرینی دووەمی 2023 لەلایەن بەڕێوەبەرایەتی گشتیی پۆلیسی وان بڵاوکراوەتەوە، لە رۆژانی نێوان 13-19ـی تشرینی دووەم بە ئامانجی "کۆنتڕۆڵکردنی چالاکییەکانی پەکەکە" چەندین ئۆپەراسیۆن کراون.
لە راگەیێندراوەکەدا ئاماژە بەوەدراوە، لەو ئۆپەراسیۆنانەدا 13 کەس بە تۆمەتی "ئەندامبوون و بانگەشەکردن بۆ پەکەکە" دەستگیرکراون و رێوشوێنی یاسایی لە دژی دەستگیرکراوەکان دەستیپێکردووە.
لە تورکیا و باکوری کوردستان رۆژانە هێزە ئەمنییەکان هەڵدەکوتنە سەر ماڵان و بە "بیانووی پەکەکە" خەڵکی سڤیل و سیاسەتمەدارانی کورد دەستگیر دەکەن. لە کاتێکدا زۆربەی ئەوانەی دەستگیر دەکرێن، ئەندام و لایەنگری پارتی دیموکراتی گەلان - هەدەپەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ