رووداو دیجیتاڵ
لە پارێزگاکانی ئەرزەڕۆم، ئاگری، وان، بەدلیس و موشی باکووری کوردستان، بەفر رێگەی 374 گوند و کێڵگەی کشتوکاڵی داخستووە.
ئەمڕۆ هەینی، لە پارێزگای ئەرزەڕۆم بارینی بەفر بەردەوامە، نالەباری کەشوهەوا کاریگەری نەرێنی لەسەر ژیانی رۆژانەی خەڵک دروستکردووە. بەهۆی بەفربارینەوە رێگەی 103 گوند و کێڵگەی کشتوکاڵی ئەو پارێزگایە داخراون.
لە پارێزگای ئەردەخان رێگەی 23 گوند و کێڵگەی کشتوکاڵی، لە پارێزگای قەرسیش رێگەی یەک گوند داخراوە.
بەگوێرەی راگەیێندراوی بەڕێوەبەرایەتی کارگێڕی پارێزگای ئاگری، لەو پارێزگایەشدا بەفر رێگەی 112 گوند و کێڵگەی کشتوکاڵی داخستووە.
لە پارێزگاکانی وان، موش و بەدلیسیش رێگەی 159 گوند و کێڵگەی کشتوکاڵی بەڕووی هاتووچۆدا داخراون.
لەم پێنج پارێزگایەدا ماوەی چەند رۆژێکە بارینی بەفر بەردەوامە و تیمەکانی شارەوانی و بەڕێوەبەرایەتی رێگەوبان بەردەوامن لە کارکردن بۆ راماڵینی بەفری سەر رێگەکان.
ئەمڕۆ هەینی لە پارێزگاکانی ئەرزەڕۆم، قەرس، ئەردەخان و دێرسم بارینی بەفر بەردەوامە و پلەی گەرما بۆ یەک پلەی سیلیزی دابەزیوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ