کۆبوونەوەی نێچیرڤان بارزانی، سەرۆکی هەرێمی کوردستان و هادی عامری، ئهمینداری گشتیی رێکخراوی بەدر.
رووداو دیجیتاڵ
سەرۆکی هەرێمی کوردستان پێشوازیی ئهمینداری گشتیی رێکخراوی بەدر کرد. جەختیان لە گرنگیی بەهێزکردنی دیالۆگ و لێکگەیشتن لەنێوان هەموو لایەنە عێراقییەکاندا و کاری هاوبەش بۆ دەستەبەرکردنی سەقامگیریی وڵات و چارەسەرکردنی کێشە هەڵپەسێردراوەکان بە رۆحی هاوکاری و هاوبەشیی نیشتمانی کردەوە.
سەرۆکایەتیی هەرێمی کوردستان دەڵێت، نێچیرڤان بارزانی و هادی عامری، باسیان لە دۆخی وڵات و گرنگیی پارێزگاریکردن لە یەکڕیزیی نیشتمانی بۆ رووبەڕووبوونەوەی ئاڵنگارییە ناوچهیی و نێودەوڵەتییەکان کردووە.
پێشهاتە سیاسییەکان و دۆخی عێراق، هەروەها پرسە هاوبەشەکانی نێوان هەولێر و بەغدا و پەیوەندییەکانیان بە جۆرێک "بەرژەوەندیی نیشتمانی دەستەبەر بکات"، لە کۆبوونەوەکەدا باسی لێوەکرا.
وەک لە راگەیێندراوەکەدا هاتووە، "نێچیرڤان بارزانی گرنگیدانی هەرێمی کوردستانی بۆ بەردەوامیی هەماهەنگی و هاوکاری لەگەڵ هەموو هێزە نیشتمانییەکان لە عێراق دووپات کردەوە، هەروەها جەختی لەسەر گرنگیی پشتگیریکردنی هەوڵەکانی حکومەتی فیدراڵ کرد لە بەدیهێنانی ئاسایش و سەقامگیری و بەهێزکردنی هاوبەشیی نیشتمانی کە لە بەرژەوەندیی تهواوی وڵاتدایه".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ