کوردستان
دەزگای ئاسایشی هەرێمی کوردستان ئەم وێنەیەی بڵاوکردووەتەوە و دەڵێت: ئەمیری چەکدارە بیانییەکانی داعش بووە
رووداو دیجیتاڵ
بەڕێوەبەرایەتیی ئۆپەراسیۆنەکانی دەزگای ئاسایشی هەرێمی کوردستان رایگەیاند، بە هاوئاهەنگیی دەزگای دژەتیرۆری عێراق، لە ئۆپەراسیۆنێکی هاوبەشدا "ئەمیری چەکدارە بیانییەکانی داعشیان دەستگیر کرد."
ئەمڕۆ سێشەممە، 26-09-2023، لە راگەیێندراوێکدا دەزگای ئاسایشی هەرێمی کوردستان دەستگیرکردنی (ئەبو بوخاری) راگەیاند و ئاشکرایکرد کە "ئەمیری کەتیبەی چەکدارە بیانییەکانی گرووپی تیرۆریستیی داعش بووە."
بەگوێرەی راگەیێندراوەکە، دەستگیرکردنی ئەمیرەکەی داعش لەسەر بنەمای زانیاریی هەواڵگریی ورد و چاودێریی بەردەوامی ئەوان بووە، بۆ دەستگیرکردنەکەیش کە لە کەرکووک بووە، دژەتیرۆری عێراق هاوکار و هاوئاهەنگیان بوون.
دەزگای ئاسایشی هەرێمی کوردستان لە کۆتایی راگەیێندراوەکەیدا دەڵێت، دڵنیایی دەدەنە "هاووڵاتییان، هەمیشە دەستێکی پۆڵاین دەبین بۆ بەگژداچوونەوەی تیرۆر و پاشماوەکانیان، لەپێناو فەراهەمکردنی ئارامی و ئاسایشی زیاتر بۆ هەرێمەکەمان."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ