رووداو دیجیتاڵ
سەرۆکی یەکێتیی نیشتمانیی کوردستان، "بە گەرمی" پێشوازی لە رێککەوتنی نێوان حکومەتی هەرێمی کوردستان و حکومەتی عێراق لەبارەی نەوتەوە کرد و پەیامێکی پیرۆزبایی ئاراستەی خەڵکی کوردستان کرد و سوپاسی "پشوودرێژی"ـیانی کرد.
لە پەیامەکەیدا، بافڵ تاڵەبانی، سەرۆکی یەکێتیی نیشتمانیی کوردستان کە رۆژی هەینی، 26ـی ئەیلوول بڵاوکراوەتەوە، جەختی لەوە کردەوە کە هەمیشە باوەڕیان بە دیالۆگ و گفتوگۆ هەبووە و وەک باشترین چارەسەر بۆ یەکلاکردنەوەی کێشەکان و گەیشتن بە ئەنجامی دڵخواز لە بەرژەوەندی هاوڵاتییاندا داکۆکییان لێکردووە.
سەرۆکی یەکێتی هیوای خواست کە "ئەم رێککەوتنە بخرێتە خزمەتی زیاتری خەڵکی کوردستان و دادپەروەری لە دابەشکردنی داهاتی وڵات و پێدانی شایستە داراییەکانی هەرێمی کوردستان بەپێی دەستوور هەبێت."
بافڵ تاڵەبانی دەشڵێت کە "قوڵایی ستراتیجی چارەسەرکردنی کێشەکان لە بەغدا دەبینین و لەو رێگایەوە دەتوانین خزمەتی خەڵک و هەرێمەکەمان بکەین."
لە کۆتایی سەرۆکی یەکێتیی نیشتمانیی کوردستان دەستخۆشی لە هەر "کەسێک دەکات کە هاوکار بووە بۆ سەرخستنی ئەم پرۆسەیە لەگەڵیاندا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ