رووداو دیجیتاڵ
سەرۆکی شارەوانیی شارۆچکەی پەیاس، سەر بە پارێزگای ئامەدی باکووری کوردستان، لە ئۆپەراسیۆنێکی هێزە ئەمنییەکانی تورکیادا دەستبەسەر کرا.
ئۆپەراسیۆنەکە بەیانیی ئەمڕۆ سێشەممە 26ی تشرینی دووەم لەسەر راسپاردەی داواکاری گشتیی ئەنقەرە لە چوارچێوەی لێکۆڵینەوەیەکدا دژی پەکەکە/کەجەکە کرا، دوای ئەوەی فەرمانی دەستبەسەرکردنی بۆ 15 کەس دەرکرد.
هێزە ئەمنییەکان دوای دەرچوونی بڕیارەکە، هەڵیانکوتایە سەر ماڵی جەنگیز دوندار، سەرۆکی شارەوانیی شارۆچکەی پەیاسی ئامەد و دەستبەسەریان کرد.
بەگوێرەی زانیارییەکان، لە چوارچێوەی ئۆپەراسیۆنەکەدا چەند داواکراوێكی دیکەش دەستبەسەر کراون.
دوای کۆتاییهاتنی رێکارەکان لە بەڕێوەبەرایەتیی ئاسایشی ئامەد، داواکراوە دەستبەسەرکراوەکان رەوانەی ئەنقەرە دەکرێن.
ئۆپەراسیۆنەکە بۆ دەستبەسەرکردنی سەرجەم داواکراوەکان بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ