رووداو دیجیتاڵ
بەبۆنەی رۆژی پەرستاران لە ئێران، پەرستارانی کرماشان لە بەردەم کۆلێژی زانستە پزیشکییەکانی شارەکە گردبوونەوە و چەند داواکارییەکیان خستەڕوو، لە بەرامبەر جێبەجێنەکردنی داواکارییەکانیش، هەڕەشەی مانگرتنی گشتیی دەکەن.
ئەمڕۆ رۆژی پەرستارە لە ئێران و پەرستارانی کرماشان گردبوونەوەیەکی نارەزایەتییان لەبەردەم کۆلێژی زانستە پزیشکییەکان کرد و داوای مووچە و شایستە داراییەکانیان کرد.
ئەو پەرستارانە رەخنەیان لە شێوازی بەڕێوەبردن و دواکەوتنی مووچەکانیان گرت و دەڵێن، ساڵێکە رۆژانە چەند کاژێر زیاتر کار دەکەن و شایستە داراییەکانیان بۆ خەرج نەکراوە و نەخۆشخانەکان بەدەست کەمی پێداویستیی پزیشکییەوە دەناڵێنن.
هاوکات ئەو پەرستارانە هەڕەشەی ئەوە دەکەن، ئەگەر ئاوڕ لە داواکارییەکانیان نەدرێتەوە و کێشەکانیان بۆ چارەسەر نەکەن، مانگرتنی گشتی رادەگەیێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ