درۆنەکە دوای ئەوەی خراوەتە خوارەوە، وێنەکە لەلایەن دژەتیرۆری کوردستان بڵاوکراوەتەوە
رووداو دیجیتاڵ
دژەتیرۆری کوردستان راگەیێندراوێکی لەبارەی ئەو درۆنە بڵاوکردەوە، کە ئەمشەو لەنزیک هەولێر کەوتەخوارەوە، تێیدا دەڵێ درۆنەکە "بۆمبڕێژکراو بووە و هاوپەیمانان خستوویانەتە خوارەوە."
دژەتیرۆری کوردستان رایگەیاند "ئەمشەو لە نزیک گوندی ئاشۆکانی سەر بە ناحیەی بەحرکە لە هەولێر، درۆنێکی بۆمبڕێژکراو لەلایەن هێزەکانی هاوپەیمانانەوە خرایە خوارەوە و، هیچ زیانێکی گیانی و مادی لێنەکەوتەوە."
درۆنەکە ئاڕاستەى فڕۆکەخانەکە کرابوو و لە باکوورى فڕۆکەخانەى هەولێر کەوتە خوارەوە. گرووپێکی چەکداری شیعە کە خۆی بە موقاوەمەی ئیسلامی لە عێراق ناساندووە، بەرپرسیاریێتى خۆی لەو ھێرشە راگەیاند و دەڵێت، "بەردەوام دەبین لە هێرشەکان".
لە 17ى تشرینى یەکەمى 2023ـەوە، ئەمە 23ـیەمین هێرشە کرابێتە سەر هەردوو فڕۆکەخانەى هەریر و هەولێرى پایتەختى هەرێمى کوردستان، کە "گرووپى موقاوەمە" بەرپرسیاریێتى خۆى لە ئەنجامدانى راگەیاندبێت.
ڤیدیۆی ساتی تەقینەوەی درۆنەکە لە ئاسمان، کە لەلایەن هاونیشتمانییەک بۆ رووداو نێردراوە:
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ