رووداو دیجیتاڵ
لە رووداوێکی هاتووچۆدا لە رێگەیەکی بۆکان لە رۆژهەڵاتی کوردستان سێ ئەندامی خێزانێک گیانیان لەدەستدا.
بەرەبەیانی ئەمڕۆ هەینی لە رێگەی نێوان بۆکان - میاندواو ئۆتۆمبێلێکی تایبەت و دوو بارهەڵگر پێکیاندادا، بەهۆیەوە سێ کەس لە سەرنشینانی ئۆتۆمبێلە تایبەتەکە گیانیان لەدەستدا و دوو کەسیش بریندار بوون.
لەو رووداوەدا پیاوێک و دایکی و هاوژینی گیانیان لەدەستدا و منداڵێکیشیان بریندار بوو.
رەسووڵ مەعرووفی، بەرپرسی بەرگریی شارستانیی بۆکان رایگەیاند، قوربانییانی ئەو رووداوە خەڵکی بۆکانن و منداڵەکە کە لەو رووداوەدا دایک و باوک و داپیری لەدەستداوە، لە نەخۆشخانە خەوێندراوە و چارەسەر وەردەگرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ