کوردستان
پەیامنێری رووداو دەڵێت، سیستمی بەرگریی هاوپەیمانان لە هەولێر لەگەڵ ئەنجامدانی هەر هێرشێک کارا دەبێت
رووداو دیجیتاڵ
پەیامنێری رووداو لە هەولێر دەڵێ، چەند جارێک هێرشی درۆنی بۆ سەر فڕۆکەخانەی نێودەوڵەتیی هەولێر ئەنجامدرا، بەڵام هەموو تەنە ئاراستەکراوەکان تێکشکێندران و خرانە خوارەوە.
فەرهاد دۆڵەمەری، پەیامنێری رووداو لە هەولێر لەبارەی هێرشەکانەوە رایگەیاند: "ئەمڕۆ چەند هێرشێکی درۆنی بۆ سەر بنکەی هاوپەیمانان لە فڕۆکەخانەی نێودەوڵەتیی هەولێر کرا، بەڵام لە رێگەی سیستمی بەرگریی هێزەکانی هاوپەیمانانەوە هەموو تەنەکان لە ئاسمان تێکشکێندران و خرانە خوارەوە."
پەیامنێری رووداو ئاماژەی بەوەش کرد، سیستمی بەرگریی هاوپەیمانان لەگەڵ ئەنجامدانی هەر هێرشێک کارا دەبێت و ئەو تەنانە دەخاتە خوارەوە کە بنکەکەی هاوپەیمانان دەکاتە ئامانج.
پەیامنێری رووداو ئاماژەی بەوەشکرد: "فڕۆکەخانە و ماڵەکانی دەوروبەری فڕۆکەخانە سەلامەتن و هیچ زیانێکیان بەرنەکەوتووە."
هاوکات دژە تیرۆری کوردستان بڵاویکردەوە، رۆژی شەممە، 28ی شوباتی 2026، کاژێر 13:25، هێزەکانی هاوپەیمانان ژمارەیەک مووشەک و درۆنی بۆمبڕێژکراویان لە پارێزگای هەولێر تێکشکاند و خستە خوارەوە.
وەک دژە تیرۆری کوردستان دەڵێ، هێرشەکان هیچ زیانێکی گیانی و ماددییان لێ نەکەوتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ