منداڵێکی حەوت ساڵان لە کەرکووک دایکی خۆی دەکوژێت

رووداو دیجیتاڵ

منداڵێکی حەوت ساڵان لە کەرکووک، لەکاتی یاریکردن بە دەمانچەکەی باوکی، گولـلەیەک دەنێت بە دایکیەوە و دەستبەجێ دایکی گیان لەدەستدەدات.

عامر نووری، گوتەبێژی پۆلیسی کەرکووک بە رووداوی راگەیاند، رووداوەکە ئێوارەی ئەمڕۆ دووشەممە 29-01-2024 لە گەڕەکی کوردستان بووە، ئەو منداڵە حەوت ساڵانە، یاریی بە دەمانچەکەی باوکی کردووە و لەکاتی یاریکردن گولـلەیەکی بە دایکیەوە ناوە و دایکی دەستبەجێ گیانی لەدەستداوە.

بە گوتەی گوتەبێژی پۆلیسی کەرکووک، رووداوەکە لەکاتی نانخواردنی ئێوارە بووە، "منداڵەکە بەبێ ئاگاداریی باوکی دەمانچەکەی هەڵگرتووە و گولـلەیەکی تەقاندووە" و ئەو رووداوەی لێکەوتووەتەوە.

پۆلیسی کەرکووک دەستی بەسەر دەمانچەکەدا گرتووە و لێکۆڵینەوەش لە رووداوەکە هێشتا بەردەوامە.