رووداو دیجیتاڵ
کۆنسوڵخانەی ئەمریکا لە هەولێر دەڵێت، نیگەرانن لە بیستنی هەواڵی پێشێلکارییەکانی ئەم دواییەی سەر ئازادیی راگەیاندن، لەوانە دەستگیرکردنی رۆژنامەڤان و چالاکڤانان لە شاری دهۆک و رێگریکردن لە رووماڵی کەناڵەکانی راگەیاندن لە کاتی سەردانەکەی سەرۆکوەزیران بۆ هەڵەبجە.
لە راگەیێندراوێکدا، کۆنسوڵخانەی ئەمریکا ئەمڕۆ پێنجشەممە ئاماژەی بەوەکردووە، ئەوەی لە هەڵەبجە روویداوە، "وا دەردەکەوێت بە پاڵنەری سیاسی کرابێت."
هەروەها دەڵێت، ئەوان پشتیوانی لە "جێبەجێکردنی تەواوەتیی هەردوو یاسای کاری رۆژنامەنووسی و یاسای بەدەستهێانی زانیاری لە هەرێمی کوردستان" دەکەن.
دەقی راگەیێندراوەکەی کۆنسوڵخانەی ئەمریکا لە هەولێر:
نیگەرانین بە بیستنی هەواڵی پێشێلکارییەکانی ئەم دواییەی سەر ئازادیی راگەیاندن، لەوانە دەستگیرکردنی رۆژنامەنوس و چالاکوان لە شاری دهۆک لە هەفتەی رابردوودا و هەروەها رێگریکردن لە رووماڵی کەناڵەکانی راگەیاندن لەکاتی سەردانەکەی ئەم دواییەی سەرۆکوەزیران بۆ هەڵەبجە، کەوا دەردەکەوێت بە پاڵنەری سیاسی کرابێت.
کۆنسوڵخانەی گشتیی ئەمریکا پشتیوانی لە جێبەجێکردنی تەواوەتیی هەردوو یاسای کاری رۆژنامەنوسی و یاسای بەدەستهێنانی زانیاری لە هەرێمی کوردستان و هەروەها لە توانای ئازادانە و سنوردارنەکراوی رۆژنامەنوسان بۆ ئەنجامدانی کارەکانیان دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ