رووداو دیجیتاڵ
دەزگای ئاسایشی هەرێمی کوردستان رایگەیاند، لە ئۆپەراسیۆنێکی هاوبەشدا لەگەڵ دەزگای دژەتیرۆری عێراق، "ئەمیری قەرتاسازیی سلێمان بێگ" و دوو چەکداری هاوەڵی کوژراون.
بەپێی راگەیێندراوێکی دەزگای ئاسایشی هەرێمی کوردستان کە ئەمڕۆ (یەکشەممە، 29-06-2025) بڵاویکردووەتەوە، ئۆپەراسیۆنەکە دوای کۆکردنەوەی زانیاریی وردی هەواڵگری و وەرگرتنی فەرمانی دادوەری لێکۆڵینەوەی ئاسایش ئەنجامدراوە.
ئۆپەراسیۆنەکە لە سنووری ناوچەکانی پەڵکانە و تاوێرکەوە بووە و دوای دەستنیشانکردنی شوێنی حەشارگەی چەکدارەکان، هێزەکانی ئاسایش بە هاوئاهەنگی لەگەڵ دژەتیرۆری عێراق "لە رووبەڕووبوونەوەیەکی دەستەویەخەدا" هەر سێ چەکدارەکەیان کوشتوون.
ئەو چەکدارانەی کوژراون بریتین لە:
- ئەیمەن جۆرج ئەحمەد ئەلعوبێدی، ناسراو بە (ئادەم)، کە "ئەمیری قەرتاسازیی سلێمان بێگ" بووە.
- حوسێن عەلی خەڵەف حەبیب ئەلمەفرەجی، ناسراو بە (ئەبو عەزرا)، چەکداری گرووپەکە بووە.
- یەعقوب، ناسراو بە (ئەبو جابان ئیرانی)، کە "سەربڕ و گوازەرەوەی تیرۆریستان" بووە.
دەزگای ئاسایشی هەرێمی کوردستان ئاماژەی بەوەشکردووە، لە هەمان ئۆپەراسیۆندا "شوێنی مانەوە و مۆڵگەی تیرۆریستان خاپوور کراوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ