رووداو دیجیتاڵ
بەڕێوەبەری ئەنجوومەنی بەرەنگاربوونەوەی هۆشبەرەکانی پارێزگای سنە دەڵێت، گەرچی پارێزگاکە لە ریزبەندی 10 پارێزگای خاوێنی ئێرانە، بەڵام نزیکەی 45 هەزار ئالوودەمان هەیە، بەڵگەکان دەریدەخەن تەمەنی ئالوودەبوون دابەزیوە.
عەلی محەممەدپەنا، بەڕێوەبەری ئەنجوومەنی بەرەنگاربوونەوەی هۆشبەرەکانی پارێزگای سنە رۆژی دووشەممە، 29-12-2025، بە میدیای فەرمیی ئێرانی راگەیاند، "بە بیانووی دابەزداندنی کێش، زیادبوونی ئارەزووی سێکسی و شادی، هەزاران هاووڵاتیمان ئالوودەی هۆشبەر بوون."
بە گوتەی محەممەدپەنا، "تەمەنی ئالوودەبووان دابەزیوە. بەڵام رێژەی ئالوودەبوونی ژنان و قوتابیان لە هەڵکشانە."
بەڕێوەبەری ئەنجوومەنی بەرەنگاربوونەوەی مادە هۆشبەرەکانی پارێزگای سنە دەڵێت، "لە پارێزگادا نزیکەی 45 هەزار ئالوودەی هۆشبەرەکان هەن و لە 21 مانگی رابردووەوە کۆنترۆڵیان کردووە و رێگەیان نەداوە زیاد بکات."
حەممەدپەنا دەڵێت، "لە 9 مانگی رابردووەوە زیاتر لە 1500 کاژێر پڕۆگرامی فێرکردن و هوشیارکردنەوەیان بۆ خەڵک و بەتایبەتی قوتابیان، ژنان و مامۆستایانی قوتابخانەکان داناوە"، پێیوایە بەرزکردنەوەی ئاستی هوشیاری خەڵک لە مەترسیی مادە هۆشبەرەکان کاریگەری هەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ