هەڵەیەک روویدا! دووبارە هەوڵبدە
رووداو دیجیتاڵ
درۆنێکی بۆمبڕێژکراو لەنزیک شارۆچکەی پردێ لە سنووری پارێزگای کەرکووک کەوتەخوارەوە.
رۆژی سێشەممە 30ی کانوونی دووەمی 2024 سەرچاوەیەک لە پۆلیسی کەرکووک بە تۆڕی میدیایی رووداوی راگەیاند، پاشنیوەڕۆی ئەمڕۆ درۆنێکی بۆمبڕێژکراو لە سنووری گوندی بیبانی لە سنووری شارۆچکەی پردێ کەوتووەتە خوارەوە.
بەپێی قسەی شایەتحاڵەکانی ناوچەکە بۆ ئەو سەرچاوەیەی پۆلیس، "درۆنەکە لە ئاسمان گڕی گرتووە و دواتر کەوتووەتە خوارەوە، بەڵام هیچ زیانێکی نەبووە."
کەوتنەخوارەی ئەو درۆنە لە کاتێکدایە، لە 17ی تشرینی یەکەمی 2023وە گرووپەکانی نزیک لە ئێران لە عێراق، کە خۆیان بە مقاوەمەی ئیسلامی دەناسێنن، 66 جار هێزەکانی ئەمریکایان لە هەرێمی کوردستان و عێراق کردووەتە ئامانج. لەو کاتەوە 98 جاریش هێرش کراوەتە سەر هێزەکانی ئەمریکا لە رۆژئاوای کوردستان و سووریا.
بە وێنە؛ پارچەکانی ئەو درۆنە بۆمبڕێژکراوەی پاشنیوەڕۆی ئەمڕۆ لەنزیک پردێ کەوتەخوارەوە
— Rudaw (@Rudawkurdish) January 30, 2024
زانیاریی زیاتر:https://t.co/XdSTtOogup pic.twitter.com/OJpAPCbAGf
رۆژی یەکشەممە 28-01-2024یش بنکەی سەربازیی تاوەر 22 لە باکووری رۆژهەڵاتی ئوردن بە درۆن کرایە ئامانج و لە ئەنجامدا سێ سەربازی ئەمریکی کوژران و زیاتر لە 40ی دیکەش برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ