هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری رێگەوبانی پارێزگای ئیلام دەڵێت، لە 24 کاژێردا 35 رووداوی هاتووچۆ لە پارێزگاکە روویانداوە، بەهۆیانەوە 5 کەس گیانیان لەدەستداوە و نزیکەی 40 کەس بریندار بوون.
ئەمڕۆ یەکشەممە 30ی تشرینی دووەمی 2025 حەمید سەفەرپوور، بەڕێوەبەری رێگەوبانی پاریزگای ئیلامی رۆژهەڵاتی کوردستان رایگەیاند:" لە 24 کاژێردا 35 رووداوی هاتووچۆ لە پاێزگاکە روویانداوە و لە ئەنجامدا 5 کەس گیانیان لەدەستداوە و 39 کەسیش بریندار بوون."
حەمید سەفەرپوور گوتی، "19 رووداوی هاتووچۆ لە رێگاکانی دەرەوەی شار و 16 رووداویش لەنێو شارەکان روویانداوە."
بە گوتەی بەڕێوەبەری رێگەوبانی پارێزگای ئیلام، زۆربەی ئەوانەی لە رووداوەکان برینداربوون، دۆخی تەندروستیان خراپە و بۆ نەخۆشخانە گوێزراونەتەوە.
حەمید سەفەرپوور هۆکاری سەرەکی رووداوەکانی بۆ خێرالێخوڕین گەڕاندەوە.
بەگوێرەی راپۆرتێک کە دادپزیشکیی ئێران بڵاویکردووەتەوە، لە 21ی ئادار تاوەکو 21ی ئەیلوولی ئەم ساڵ، 10 هەزار و 414 کەس بە رووداوی هاتووچۆ گیانیان لەدەستداوە و 202 هەزار و 145 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ