رووداو دیجیتاڵ
لە پارێزگای وانی باکووری کوردستان بۆ ماوەی دوو رۆژ، پێنجشەممە و هەینی، قەدەخەی خۆپیشاندان و گردبوونەوە راگەیێندرا.
پارێزگای وان لە ماڵپەڕی فەرمی خۆی دەڵێت، لە رۆژانی 1 و 2ـی شوباتی 2024، لە ناوەندی شار و شارۆچکەکانی وان بۆ ماوەی دوو رۆژ ئەنجامدانی هەموو جۆرە گردبوونهوه، خۆپێشاندان، رێپێوان، مانگرتن، ههڵدانی چادر و چالاكییەکی دیکە قهدهخەیە.
ئەوەش هاتووە، بەمەبەستی "پاراستنی ماڵ و گیانی هاووڵاتیان، رێگریکردن لە هێرش، لەناوبردنی رێکخراوی تیرۆر و دەستەبەرکردنی ئاسایشی نیشتمانی" ئەو بڕیارە دراوە و جەخت کراوەتەوە، لەو وادەیەدا رێگە بە هیچ کار و چالاکییەکی بێ مۆڵەت نادرێت، تەنیا ئەو چالاکییانە نەبێت کە لەلایەن پارێزگار و قایمقامەکانەوە مۆڵەتیان پێدەدەرێ.
چەندین ساڵە بە هۆکاری جۆراوجۆری ئەمنی، قەدەخەی چالاکی و گردبوونەوە لە ناوچەکانی باکووری کوردستان رادەگەیێندرێت و ماوەی ئەو قەدەخەکردنانەش بەردەوام درێژدەکرێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ