رووداو دیجیتاڵ
لە رووداوێکی تەقەکردندا لە پارێزگای سیستان و بەلووچستان لە باشووری رۆژهەڵاتی ئێران، چوار کەس کوژران؛ یەکێکیان فەرماندەیەکی سوپای پاسدارانە.
ئەمڕۆ سێشەممە 1ی تشرینی یەکەمی 2024 لە شارۆچکەی بێنتی سەر بە شاری نیکشەهری پارێزگای سیستان و بەلووچستان، چەند چەکدارێک دەستڕێژی گولـلەیان لە فەرماندەی سوپای پاسداران و سەرۆکی ئەنجوومەنی شارۆچکەکە کردووە.
بەپێی میدیای فەرمیی ئێران، لە رووداوەکەدا پەرویز کەدخودایی، فەرماندەی سوپای پاسدارانی بێنت و یوسف شیرانی، سەرۆکی ئەنجوومەنی شارۆچکەکە لەگەڵ دوو سەرباز بە ناوەکانی جەواد ساداتی و موجیب بەلووچی گیانیان لەدەستداوە.
موجیب حەسەنی، قایمقامی نیکشەهر رایگەیاند، رووداوەکە "هێرشێکی تیرۆریستی" بووە و دوای کۆتاییهاتنی رێوڕەسمێک لە قوتابخانەیەکی ناوچەکە روویداوە.
بە گوتەی قایمقامی ناوچەکە، لە رووداوەکەدا دوو کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ