رووداو دیجیتاڵ
عەباس عێراقچی، وەزیری دەرەوەی ئێران رایگەیاند، بڕیارنامەی ئاژانسی نێودەوڵەتیی وزەی ئەتۆمی لە دژی وڵاتەکەی، وا دەکات دانوستاندنی ئەتۆمی لەگەڵ ئەمریکا ئاڵۆزتر بن.
بڕیارە شەشەم گەڕی دانوستاندنەکان رۆژی یەکشەممە لە عومان بەڕێوەبچن.
رۆژی پێنجشەممە، ئاژانسی نێودەڵەتیی وزەی ئەتۆمی بە بڕیارنامەیەک ئێرانی سەرکۆنە کرد، بە تۆمەتی ئەوەی کە وەک پێویست لەگەڵیدا هاوئاهەنگ نەبووە و گومان لە بەرنامە ئەتۆمییەکەیدا هەیە.
سەرکۆنەکردنەکە دەبێتە "رێخۆشکەر" بۆ سەپاندنەوەی سزای نەتەوە یەکگرتووەکان بەسەر ئێراندا.
ئەمڕۆ عێراقچی بە میدیای وڵاتەکەی گوت، بڕیارنامەکە "دانوستاندنەکان زەحمەت دەکات، بەڵام ئێمە پابەندین بە بەرگریکردن لە ماف و دەستکەوتە ئەتۆمییەکانی ئێران."
عێراقچی پشتڕاستیکردەوە کە رۆژی یەکشەممە، مەسقەت دەبێت بۆ ئەوەی لە گفتوگۆی "ناڕاستەوخۆ"ی لەگەڵ ئەمریکادا، بەرگری لە هەڵوێستی وڵاتەکەی بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ