هەڵەیەک روویدا! دووبارە هەوڵبدە
رووداو دیجیتاڵ
وەزارەتی تەندروستیی ئێران نوێترین ئاماری قوربانییانی جەنگی وڵاتەکەی و ئیسرائیلی بڵاوکردەوە و رایگەیاند، بەهۆی جەنگەکەوە 627 کەس کوژراون.ا
ئەمڕۆ چوارشەممە 25ـی حوزەیرانی 2025، ناوەندی بڵاوكردنەوەی زانیاری وەزارەتی تەندروستیی ئێران رایگەیاند، بەهۆی هێرشەکانی ئیسرائیل بۆ سەر ئێران 627 کەس کوژراون و چوار هەزار و 780 کەسی دیکەش بریندار بوون.
ناوەندی بڵاوكردنەوەی زانیاری وەزارەتی تەندروستیی ئێران ئاشکرای کردووە، زۆرترین قوربانی لە پارێزگاکانی تاران و کرماشان بوونە.
ناوەندەکە باس لەوە دەکات، پارێزگاکانی خوزستان، لورستان، ئیسفەهان، مەرکەزی، تەورێز، هەمەدان، زەنجان و گیلان لە پلەی سێیەم تاوەکو دەیەم دێن لە رووی کوژراو و بریندارەوە.
ناوەندی بڵاوكردنەوەی زانیاری وەزارەتی تەندروستیی ئێران ئاماژەی بەوەشکردووە 86.1٪ کوژراوەکان لە شوێنی هێرشەکان و بەر لەوەی بگەنە نەخۆشخانە گیانیان لە دەستداوە و 13.9٪ بریندارەکانیش لە نەخۆشخانە گیانیان لە دەستداوە.
جەنگەکە بەرەبەیانی رۆژی 13ی مانگ بە هێرشی ئیسرائیل دەستیپێکرد و دواتریش ئێران وەڵامی دایەوە.
رۆژی سێشەممە، 24ـی حوزەیرانی 2025، دوای 12 رۆژ لە جەنگ، دۆناڵد ترەمپ، سەرۆکی ئەمریکا ئاگربەستی شەڕی لە نێوان ئێران و ئیسرائیل راگەیاند.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ