هەڵەیەک روویدا! دووبارە هەوڵبدە
رووداو دیجیتاڵ
باڵیۆزخانەی ئەمریکا لە بەغدا پەیامێک ئاراستەی هێزە ئەمنییەکانی عێراق دەکات و دەڵێت، خزمەت و قوربانییەکانیان و هێزی پێشمەرگە لە "پاراستنی سەروەریی عێراق" بەرز دەنرخێنن.
ئەمڕۆ سێشەممە 6ی کانوونی یەکەمی 2026، بەبۆنەی تێپەڕبوونی 105 ساڵ بەسەر دامەزراندنی سوپای عێراق، باڵیۆزخانەی ئەمریکا لە بەغدا پەیامێکی پیرۆزبایی بڵاوکردەوە.
لە پەیامەکەدا هاتووە: "ئەمریکا ئەو رۆڵە کارایە لەبەرچاو دەگرێت کە ئەو هێزانە هەیانبووە لە هێنانەدی سەرکەوتنی مەیدانی لەدژی رێکخراوی داعش، کە بە ئەستەم بەدیهات، لەگەڵ پاڵپشتیی عێراقێکی سەقامگیر."
باڵیۆزخانەی ئەمریکا جەخت لە بەردەوامیی پەیوەندییەکانیان دەکاتەوە و دەڵێت: "جەخت لە پابەندبوونمان دەکەینەوە لە کارکردن لەگەڵ هێزە ئەمنییەکانی عێراق، لەکاتێکدا عێراق بەردەوامە لە بنیاتنانی ئایندەیەکی ئارامتر و رۆشنتر بۆ گەلەکەی."
سوپای عێراق لە 6ی کانوونی یەکەمی ساڵی 1921 و لە سەردەمی دەسەڵاتی پاشایەتی دامەزراوە، ساڵانە لەم رۆژەدا لە عێراق دەکرێتە پشووی فەرمی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ