هەڵەیەک روویدا! دووبارە هەوڵبدە
رووداو دیجیتاڵ
باڵیۆزخانەی ئەمریکا لە عێراق رایگەیاند،"میلیشیا تیرۆریستییەکان"ی نزیک لە ئێران هێرشی هەڕەمەکییان بۆ سەر هاووڵاتییان و ئامانجە ئەمریکییەکان لە سەرتاسەری عێراق و هەرێمی کوردستان ئەنجامداوە و داواش دەکات هاووڵاتییانی ئەمریکا هەر ئێستا عێراق جێبهێڵن.
رۆژی شەممە، 14ـی ئاداری 2026، باڵیۆزخانەی ئەمریکا لە بەغدا راگەیەندراوێکی بڵاوکردەوە داوا لەهاوڵاتییانی دەکات "بەهۆی مەترسی بەردەوامی مووشەک و درۆن لە ئاسمانی عێراق، هەوڵ مەدەن بێن بۆ باڵیۆزخانە لە بەغدا یان کۆنسووڵخانە لە هەولێر".
باڵیۆزخانەی ئەمریکا ئاماژەیە بەوەشکردووە ئێران و میلیشیاکان هەڕەشەیەکی جدییان بۆ سەر سەلامەتی گشتی، ژێرخانی وزە و ناوەندە دیپلۆماسییەکان دروست کردووە.
هاوکات لە راگەیەندراوەکەدا هاوڵاتییانی ئەمریکی ئاگادار کراونەتەوە کە " لە عێراق رووبەڕووی مەترسی رفاندن و بە ئامانجگرتنی تاکەکەسی دەبنەوە
باڵیۆزخانەی ئەمریکا: ئەمریکییەکان".
دەربارەی گەڕانەوەی هاووڵاتییان بۆ ئەمریکا، باڵیۆزخانەی ئەمریکا دەڵێ: "ئامادەیە هاوکاری ئەو هاووڵاتیانە بکات کە دەیانەوێت وڵاتەکە جێبهێڵن".
لەبارەی دۆخی ئەمنی عێراق باڵیۆزخانەی ئەمریکا ئاماژەی بەوەشکردووە" میلیشیاکان رێگری لە توانای دەسەڵاتدارانی عێراق دەکەن بۆ وەڵامدانەوەی بارودۆخی نائاسایی".
راگەیەندراوەکەی باڵیۆزخانەی ئەمریکا لە عێراق لە کاتێکدایە، بەرەبەیانی ئەمڕۆ لەرێگەی درۆنەوە هێرشکرایە سەر باڵیۆزخانەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ