رووداو دیجیتاڵ
ئەنجوومەنی باڵای دادوەریی عێراق، ئاماری گرێبەستەکانی هاوژینی و جیابوونەوەی مانگی تشرینی یەکەمی 2025ـی بڵاوکردەوە و لەو مانگەدا بەراورد بە مانگی پێشتر، هاوژینی و جیابوونەوەش زیادیکردووە.
بەگوێرەی ئامارەکەی ئەنجوومەنی باڵای دادوەریی عێراق، لە پارێزگاکانی عێراق (جگە لە هەرێمی کوردستان)، لە تشرینی یەکەمدا 34,617 گرێبەستی هاوژینی و 7,470 جیابوونەوە لە عێراق تۆمارکراون، لە کاتێکدا مانگی ئەیلوول 30 هەزار گرێبەستی هاوژینی و 7,000 جیابوونەوە تۆمارکرابوون.
بەغدا، لە هاوژینی و جیابوونەوەشدا لە پلەی یەکەمە. لەو مانگەدا لە هەردوو بەشی رەسافە و کەرخ 8,948 گرێبەستی هاوژینی و 2,700 جیابوونەوە هەبوون.
دوای بەغدا، پارێزگای نەینەوا بە 3,488 گرێبەست زۆرترین هاوژینی تێدا کراوە و پارێزگای بەسرە بە 874 جیابوونەوە زۆرترین جیابوونەوەی تێدا تۆمارکراوە.
کەمترین رێژەی هاوژینی و جیابوونەوەش لە پارێزگای موسەننا بووە کە 842 گرێبەستی هاوژینی و 172 جیابوونەوە بوون.
ئامارەکان بەپێی پارێزگاکان بەم جۆرەیە:
بەغدا / رەسافە: 5,139 گرێبەستی هاوژینی و 1,503 جیابوونەوە
بەغدا / کەرخ: 3,809 گرێبەستی هاوژینی و 1,197 جیابوونەوە
نەینەوا: 3,488 گرێبەستی هاوژینی و 499 جیابوونەوە
دیالە: 1,614 گرێبەستی هاوژینی و 285 جیابوونەوە
بابل: 2,341 گرێبەستی هاوژینی و 216 جیابوونەوە
نەجەف: 1,801 گرێبەستی هاوژینی و 302 جیابوونەوە
کەرکووک: 1,567 گرێبەستی هاوژینی و 264 جیابوونەوە
زیقار: 2,013 گرێبەستی هاوژینی و 290 جیابوونەوە
ئەنبار: 1,844 گرێبەستی هاوژینی و 414 جیابوونەوە
بەسرە: 3,037 گرێبەستی هاوژینی و 874 جیابوونەوە
واست: 1,401 گرێبەستی هاوژینی و 173 جیابوونەوە
سەڵاحەدین: 1,552 گرێبەستی هاوژینی و 248 جیابوونەوە
موسەننا: 842 گرێبەستی هاوژینی و 172 جیابوونەوە
میسان: 1,253 گرێبەستی هاوژینی و 295 جیابوونەوە
کەربەلا: 1,672 گرێبەستی هاوژینی و 396 جیابوونەوە
قادسیە: 1,244 گرێبەستی هاوژینی و 342 جیابوونەوە
کۆی گشتیی گرێبەستی هاوژینی: 34,617
کۆی گشتیی جیابوونەوە: 7,470
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ