رووداو دیجیتاڵ
حکومەتی بەریتانیا ئەمڕۆ سزای لەسەر بانکی ناوەندی و 23 دامەزراوەی دیکەی سووریا هەڵگرت کە لە ماوەی دەسەڵاتی بەشار ئەسەد بەسەریاندا سەپاندبوون.
وەزارەتی دارایی بەریتانیا دەڵێت: "24 دامەزراوە لە لیستی سزاکان دەرهێنراون و چی دیکە سامانیان سڕ ناکرێت."
بانکی ناوەندی، بانکەکانی دیکە و ژمارەیەک کۆمپانیای نەوتی سووریا لەنێو ئەوانەن کە لە لیستی سزا دەرهێنراون.
دوای ئەوەی لە مانگی کانوونی یەکەم دا دەستەی تەحریری شام و هاوپەیمانەکانی، کۆتاییان بە دەسەڵاتی بەشار ئەسەد هێنا، وڵاتانی رۆژئاوا بە رووی دیمەشق دا کرانەوە.
مانگی رابردووش، وڵاتانی ئەندام لە یەکێتیی ئەورووپا ژمارەیەک سزایان لەسەر سووریا هەڵوەشاندنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ