سووریا
سوپای عەرەبیی سووریا دەڵێت ئەمانە ئاسایش و دەگوازرێنەوە، بەڵام رێڤەبەری خۆسەر رەتیدەکاتەوە و دەڵێت، سڤلین
رووداو دیجیتاڵ
هێزەکانی سەر بە سوپای عەرەبیی سووریا رایگەیاندووە، چەندین شەڕڤان خۆیان رادەست کردووە و بەبێ چەک دەگوزارێنەوە بۆ شوێنی سەلامەت، بەڵام ئاسایشی رێڤەبەری خۆسەر ئەوە رەتدەکاتەوە و دەڵێت: گەنجی سڤیلیان رفاندووە و وەکو شەڕڤان نیشانیان دەدەن.
ئەمڕۆ شەممە، هێزەکانی سەر بە سوپای عەرەبیی سووریا لە میدیای وڵاتەکەوە گرتەی چەند پاسێکیان بڵاوکردەوە کە پڕ کراوە لە گەنج و پیاو و وای نیشان دەدەن شەڕڤانن و لە حەلەب خۆیان رادەست کردووە.
بەڵام ئێوارەی ئەمڕۆ، هێزەکانی ئاسایشی نێوخۆی حەلەبی سەر بە بەڕێوەبەرایەتیی خۆسەر رایگەیاند، "راگەیاندنی گرووپە چەکدارەکانی حکومەتی دیمەشق و پاشکۆکانیان، هەوڵێکی بێهوودەیە بۆ چەواشەکردنی رای گشتی."
ئاسایشی نێوخۆی رێڤەبەری خۆسەر دەڵێت: "وێنەی چەند پاسێکیان بڵاوکردووەتەوە خەریکی کۆچپێکردنی سڤیلەکانن لە گەڕەکی شێخ مەقسوود، ئەوەش لەژێر تۆپبارانێکی دڕندانەی تۆپخانەکان کە ماوەی پێنج رۆژە گەڕەکەکە رووبەڕووی دەبێتەوە و، بە درۆ بانگەشەی ئەوە دەکەن کە ئەوانە شەڕڤانانی ئێمەن."
لە راگەیێندراوەکەی ئاسایشی نێوخۆی رێڤەبەری خۆسەردا هاتووە، "جەخت دەکەینەوە کە ئەم بانگەشانە بەتەواوی ناڕاستن، ئەو وێنانەی بڵاوکراونەتەوە کەسانی سڤیل نیشان دەدەن کە بە زۆر کۆچیان پێکراوە و قوربانیی دەستبەجێی هێرشی ئەو گرووپانەن، لەگەڵ ئەوەشدا ژمارەیەک گەنجی سڤیل لەلایەن ئەو گرووپانەوە رفێندراون و بۆ شوێنێکی نادیار گوازراونەتەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ