رووداو دیجیتاڵ
ئاژانسی فەرمیی سووریا رایگەیاند، دەنگی تەقینەوەیەک لە شاری حەلەب لە باکووری ئەو وڵاتە بیستراوە و هۆکارەکەی نادیارە.
ئاژانسی دەنگوباسی فەرمیی سووریا دەڵێت، تەقینەوەکە لەنزیک نانەواخانەیەک بووە لە گەڕەکی میەسەر و "زانیارییە سەرەتاییەکان ئاماژە بەوە دەکەن کە تەقینەوەکە خۆکوژییە."
سانا لە زاری سەرچاوەیەکی ئاسایشی نێوخۆی حەلەبەوە ئاماژەی بەوە کرد، کەسێکی نەناسراو بە پشتێنی بۆمبڕێژکراوەوە خۆی تەقاندووەتەوە، تەنیا خۆی مردووە و زیان بەر خەڵکی دیکە نەکەوتووە.
دەشڵێت: "دەزگا ئەمنییەکان کار لەسەر ئاشکراکردنی ناسنامەکەی دەکەن."
داعش جار جارە هێرش دەکاتە سەر ناوچەکانی دەوروبەری دیمەشق و سنووری بەڕێوەبەرایەتیی خۆسەر، هەروەها حکومەتی راگوزەری سووریا چەندین جار رایگەیاندووە کە هێرشی ئەو رێکخراوەیان پووچەڵکردووەتەوە.
هێرشەکانی داعش لە ماوەی رابردوودا، زیاتر بۆسەر حەلەب و ناوچەکانی بەڕێوەبەرایەتیی خۆسەر بوون، بەڵام بەمدواییانەدا هێرشەکانی بۆ سەر دێرزووریش لەسەر سنووری عێراق زیاد کردوون.
![ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.](https://www.rudaw.net/s3/rudaw.net/ContentFiles/932047Image1.jpg?mode=crop&quality=70&rand=1&scale=both&w=362&h=226&version=8464569 "ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ