هەڵەیەک روویدا! دووبارە هەوڵبدە
رووداو دیجیتاڵ
سەرۆکی دەزگای هەواڵگریی عێراق سەردانی سووریا دەکات و لەگەڵ ئەحمەد شەرع، سەرۆککۆماری ئەو وڵاتە کۆدەبێتەوە و پەیامێکی سوودانی لەبارەی پەیوەندیی نێوانیان پێدەگەیێنێت.
نێوەڕۆکی ئەو سەردانە لەلایەن میدیای فەرمیی عێراق و لەسەر زاری سەرچاوەیەکی بەرپرسەوە بڵاوکراوەتەوە.
بە گوێرەی میدیای فەرمیی عێراق، حەمید شەتری، سەرۆکی دەزگای هەواڵگریی عێراق لە دیمەشق لەگەڵ ئەحمەد شەرع کۆبووەتەوە و تاوتوێی چەند پرسێکیان کردووە، لەوانە ئاسایشی سنوور و بەرەنگاربوونەوەی تیرۆر و دۆخی رەوەندى عێراقی لەو وڵاتە.
حەمید شەتری پەیامێکی سەرۆکوەزیرانی عێراقی گەیاندووەتە سەرۆککۆماری سووریا لە بارەی چۆنێتی پەرەپێدانى پەیوەندی دووقۆڵی نێوانیان و تێپەڕاندنی ئاڵنگارییە هاوبەشەکان.
میدیای فەرمیی عێراق ئاماژەی بەوە داوە کە هەردوولا رێککەوتوون لەسەر زیادکردنی هاریکاریى ئەمنی نێوانیان لەپێناو ئاسایش و سەقامگیریی ناوچەکە.
سەرۆکى دەزگەى هەواڵگریى عێراق سەردانى باڵەخانەى باڵیۆزخانەى وڵاتەکەى لە دیمەشق کردووە و لەگەل هەڵسوڕێنەرى کاروبارى باڵیۆزخانەکە کۆبووەتەوە و تاوتوێى ئەو کێشانەیان کردووە کە رووبەڕووى رەوەندى عێراقى لە سووریا دەبنەوە، لەگەڵ باسکردنى چۆنێتى چارەسەرکردنى ئەو کێشانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ