رووداو دیجیتاڵ
تەواوی ئەندامانی ئەنجوومەنی ناوەندی بڕیاری جەهەپە، دەستیان لەکارکێشایەوە و کەمال کڵچدارئۆغڵو پەسندی کرد.
ئێوارەی ئەمڕۆ پێنجشەممە، 1ی حوزەیرانی 2023، ئەنجوومەنی ناوەندی بڕیاری جەهەپە بە سەرۆکایەتیی کەمال کڵچدارئۆغڵو لە ئەنقەرە کۆبووەوە. کۆبوونەوەکە چوار کاژێر و نیوی خایاند و لە کۆتاییدا تەواوی ئەندامانی ئەنجوومەنەکە دەستیان لەکارکێشایەوە و کڵچدارئۆغڵو دەست لەکارکێشانەوەکانی پەسندکرد.
کۆبوونەوەکەی ئەنجوومەنی ناوەندی بڕیاری جەهەپە، تایبەت بوو بە هەڵسەنگاندنی هەڵبژاردنەکانی 28مین خولی پەرلەمانی تورکیا و هەردوو گەڕی هەڵبژاردنی سەرۆککۆمار. لە کۆبوونەوەکەدا داوای دەست لەکارکێشانەوەی تەواوی ئەندامانی ئەنجوومەنەکە کرا.
لە کۆتایی کۆبوونەوەکە، سەرجەم ئەندامانی ئەنجوومەنەکە دەستیان لەکارکێشایەوە و کەمال کڵچدارئۆغڵو پەسندی کرد.
ناوی ئەندامە دەست لەکارکێشاوەکان:
- ئەحمەد ئاکن
- عەلی ئۆزتونچ
- بولەنت کوشئۆغڵو
- بولەنت تەزجان
- دەڤریم باڕش چەلیک
- فایق ئۆزتراک
- فەتحی ئاچکئەل
- گامزە ئاککوش ئیلگەزدی
- گۆکچە گۆکچەن
- گولیزار بیچەر کاراجا
- لالە کارابییک
- موحەڕەم ئەرکەک
- ئۆغوز کائان ساڵیجی
- سەلین سایەک بۆکە
- سەید تۆڕون
- ڤەلی ئاگبابا
- یوکسەل تاشکن
دوای دۆڕاندنی کەمال کڵچدارئۆغڵو لە گەڕی دووەمی هەڵبژاردنی سەرۆککۆمار بەرامبەر رەجەب تەیب ئەردۆغان و کەمبوونەوەی ژمارەی کورسییەکانی جەهەپە، دەنگی ناڕەزایەتیی لەناو ئەندامان و لایەنگرانی جەهەپە بەرزبووەوە و داوای دەستلەکارکێشانەوەی کەمال کڵچدارئۆغڵو دەکرێت.
بەشێک لە میدیاکانی تورکیا بڵاویانکردەوە، هەوڵێک لە ئارادایە بۆ ئەوەی ئەکرەم ئیمامئۆغڵو بکرێتە سەرۆکی جەهەپە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ