هەڵەیەک روویدا! دووبارە هەوڵبدە
رووداو دیجیتاڵ
وەزیری بازرگانیی تورکیا دەڵێ، هەناردەی وڵاتەکەی لە 7 مانگی سەرەتای ئەم ساڵدا بە بەهای 156 ملیار و 400 ملیۆن لیرە بووە.
عومەر بۆڵات، وەزیری بازرگانیی تورکیا رۆژی شەممە، دووی تەممووزی 2025 لە شاری سامسوونی تورکیا گوتارێکی پێشکێش کرد و بەشێکی قسەکانی تایبەت بوون بە ئاماری هەناردەی وڵاتەکەی.
وەزیری بازرگانیی ئەو وڵاتە رایگەیاند، قەبارەی هەناردەیان لە مانگی تەممووزی ئەم ساڵ بەراورد بە هەمان مانگی پار بە رێژەی 11٪ بەرزبووەتەوە و گەیشتووەتە 24 ملیار و 952 ملیۆن دۆلار.
بە گوتەی بۆڵات، قەبارەی هەناردەی وڵاتەکەی لە تەممووزی پار 22 ملیار و 467 ملیۆن دۆلار بووە و لە تەممووزی ئەم ساڵدا بە بەهای دوو ملیار و 467 ملیۆن دۆلار هەناردەیان زیادیکردووە.
وەزیری بازرگانیی تورکیا رایگەیاند، قەبارەی هەناردەیان لە 7 مانگی سەرەتای ئەم ساڵدا بەراورد بە هەمان ماوەی پار بە رێژەی 5.2٪ بەرزبووەتەوە و گەیشتووەتە 156 ملیار و 400 ملیۆن دۆلار.
بە گوتەی وەزیری بازرگانیی تورکیا، قەبارەی هەناردەیان لە 7 مانگی سەرەتای پاردا 148 ملیار و 700 ملیۆن دۆلار بوو و ئەم ساڵ لە هەمان ماوەدا بە بەهای 7 ملیار و 700 ملیۆن دۆلار هەناردەیان زیادیکردووە.
بۆڵات باسی لەوەش کرد، لە ساڵێکدا (ئابی پار تاوەکو تەممووزی ئەم ساڵ) بە بەهای 269 ملیار و 400 ملیۆن دۆلار کاڵایان هەناردەی وڵاتانی دیکە کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ