هەڵەیەک روویدا! دووبارە هەوڵبدە
تورکیا
رەجەب تەیب ئەردۆغان، سەرۆککۆماری تورکیا و محەممەد بن سەلمان، شازادەی جێنشینی سعودیە. وێنە: ئەرشیڤ
رووداو دیجیتاڵ
سەرۆککۆماری تورکیا و شازادەی جێنشینی سعودیە لە پەیوەندییەکی تەلەفۆنیدا پەیوەندیی نێوان وڵاتەکانیان و دۆخی ناوچەکە تاوتوێ دەکەن.
سەرۆکایەتیی کۆماری تورکیا رۆژی هەینی، 6ی حوزەیرانی 2025 لە هەژماری فەرمیی خۆی لە تۆڕی کۆمەڵایەتیی ئێکس بڵاویکردەوە، رەجەب تەیب ئەردۆغان، سەرۆککۆماری تورکیا بە تەلەفۆن لەگەڵ محەممەد بن سەلمان، شازادەی جێنشینی سعودیە قسەی کردووە و پیرۆزبایی جەژنی لێکردووە.
وەک سەرۆکایەتیی کۆماری تورکیا دەڵێت، لە پەیوەندییە تەلەفۆنییەکەدا ئەردۆغان و محەممەد بن سەلمان، وێڕای پەیوەندیی دووقۆڵیی هەردوو وڵات، دۆخی ناوچەکە و جیهانیشیان تاوتوێ کردووە.
هەر بەگوێرەی بڵاوکراوەکەی سەرۆکایەتیی کۆماری تورکیا، ئەردۆغان لە پەیوەندییە تەلەفۆنییەکەدا گوتوویەتی، "تورکیا لە پاڵپشتییەکانی بۆ فەلەستین بەردەوام دەبێت."
سەرۆکایەتیی کۆماری تورکیا دەشڵێت، ئەردۆغان "خۆشحاڵیی خۆی لەبارەی بڕیاری هەڵگرتنی سزاکانی سەر سووریا لەلایەن رۆژئاواوە دەربڕیوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ