رووداو دیجیتاڵ
وەزیری ناوخۆی تورکیا، دوایین ئاماری گەڕانەوەی پەنابەرانی سووریایی بڵاوکردەوە و رایگەیاند، لە 8ـی کانوونی یەکەمی 2024 تاوەکو ئێستا، 578 هەزار هاووڵاتی سووریایی گەڕاونەتەوە وڵاتەکەیان.
ئەمڕۆ دووشەممە 8ـی کانوونی یەکەمی 2025، عەلی یەرلیکایا، وەزیری ناوخۆی تورکیا لە هەژماری تایبەتی خۆی لە ئێکس، ئاماژەی بە گەڕانەوەی کۆچبەر و پەنابەرانی سووریایی نیشتەجێبووی تورکیا کرد و رایگەیاند، لە ساڵی 2016 تاوەکو ئێستا 1 ملیۆن و 318 هەزار سووریایی خۆویستانە گەڕاونەتەوە زێدی خۆیان.
بە گوتەی وەزیر، ئەو کۆچبەر و پەنابەرانەی بە ویستی خۆیان دەگەڕێنەوە وڵاتەکەیان، رۆژانە سەردانی بەڕێوەبەرایەتیی کۆچ دەکەن لەو شارانەی تێیدا نیشتەجێن. دوای تەواوکردنی سەرجەم مامەڵەکانیان، رۆژێکیان بۆ دیاری دەکرێت و بە پاس لەسەر ئەرکی حکومەت دەیانگەڕێننەوە و تا ئەودیوی سنووری سووریا دەیانگوازنەوە.
ئاماری پەنابەرانی سووریایی لە تورکیا و باکووری کوردستان لە 2011 وە تاوەکو 2025:
2011: سفر
2012: 14,237
2013: 224,655
2014: 1,519,286
2015: 2,503,549
2016: 2,834,441
2017: 3,462,786
2018: 3,623,192
2019: 3,576,370
2020: 3,641,370
2021: 3,737,369
2022: 3,652,813
2023: 3,206,696
2024: 2,901,478
4ـی کانوونی یەکەمی 2025: 2,366,922
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ