رووداو دیجیتاڵ
ئاگر لە دارستانەکانی شارۆچکەی ئورلای سەر بە پارێزگای ئیزمیر لە باشووری رۆژئاوای تورکیا کەوتەوە.
بەڕێوەبەرایەتیی گشتیی دارستانەکانی تورکیا بڵاویکردەوە، دوای نیوەڕۆی ئەمڕۆ هەینی، 14ـی تەممووزی 2023، کاژێر 14:16 خولەک ئاگرەکە کەوتەوە؛ بۆ کوژاندنەوەیشی دوو فڕۆکە، شەش هێلیکۆپتەر، 15 ئۆتۆمبێلی ئاگرکوژێنەوە، 3 شۆڤڵ و 198 کارمەند رەوانەی شوێنەکە کراون.
ساڵانە دەیان ئاگر لە دارستانەکانی باکووری کوردستان و تورکیا دەکەونەوە. ساڵی رابردوو 203 ئاگر لە دارستانەکانی 31 پارێزگای تورکیا و باکووری کوردستان کەوتەوە و بەو هۆیەوە 10 هەزار و 446 هێکتار زەوی سووتا. بەهۆی کەوتنەوەی ئەو ئاگرانەوە 149 کەس برینداربوون و سێ کەسی دیکەش گیانیان لەدەستدا.
لە ساڵی 2021یشدا 299 ئاگر لە دارستانی 53 پارێزگای باکووری کوردستان و تورکیا کەوتنەوە و لە ئەنجامدا 178 هەزار هێکتار زەوی سووتا؛ هەشت کەس گیانیان لەدەستدا و هەزار و 510 کەسی دیکە برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ