هەڵەیەک روویدا! دووبارە هەوڵبدە
رووداو دیجیتاڵ
فوئاد ئۆکتای، یاریدەدەری سەرۆککۆماری تورکیا رایدەگەیێنێت، تائێستا هەشت برینداری بوومەلەرزەکەی هاتای کە شەوی دووشەممە روویدا، گەیێندراونەتە نەخۆشخانە.
دوای ئەوەی زنجیرەیەک بوومەلەرزە پارێزگای هاتای و چەند پارێزگایەکی دیکەی باکووری کوردستان و تورکیایان هەژاند، فوئاد ئۆکتای لە کۆنفرانسێکی رۆژنامەڤانیدا رایگەیاند، تائێستا (کاژێر 21.45) بەهۆی بوومەلەرزەکانەوە هەشت بریندار گەیێنراونەتە نەخۆشخانە. هەروەها ئاماژەی بەوە کرد کە تیمەکانی ئافاد و رزگارکردن 28 هەواڵی فریاکەوتنیان پێگەیشتووە.
فوئاد ئۆکتای جەختیکردەوە کە تیمەکانیان لە ناوچەکەدان و لە ئامادەباشیدان بۆ رزگارکردنی خەڵک.
لەکاتێکدا ئەمڕۆ ئێوارە دەزگای قەندیللی باسی لە ئەگەری دروستبوونی تسونامی کردبوو، ئۆکتای لەوبارەیەوە گوتی؛ قسەیان لەگەڵ قەندیللی کردووە و دڵنیابوونەتەوە لەوەی کە هۆشدارییەکە کاتی بووە. ئۆکتای هەروەها گوتی هەڵکشان و داکشانی ئاو روویداوە و بەبێ زیان کۆتایی هاتووە.
سەرۆکایەتیی کارەساتی لەناکاو و فریاگوزاریی تورکیا (ئافاد) بڵاویکردەوە، دوو بوومەلەرزە بە گوڕەکانی 6.4 و 5.8 پلە بە پێوەری رێختەر پارێزگای هاتایان هەژاند.
ساتی بوومەلەرزەکە لە کامێرای رووداوەوە:
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ