رووداو دیجیتاڵ
سەرۆکی پەرلەمانی تورکیا لەگەڵ بریکاری سەرۆکی فراکسیۆنی ئەو پارتە سیاسییانە کۆدەبێتەوە کە لە کۆمیسیۆنی یەکڕیزیی نیشتمانی، برایەتی و دیموکراسی ئەندامیان هەیە. لە کۆبوونەوەکەدا چوارچێوەی راپۆرتی کۆمیسیۆنەکە تاوتوێ دەکرێ.
نوعمان کورتوڵمووش، سەرۆکی پەرلەمانی تورکیا، ئەمڕۆ دووشەممە 22-12-2025 کاژێر 16:00 لەگەڵ بریکاری سەرۆکی فراکسیۆنی پارتەکان کۆدەبێتەوە.
لە کۆبوونەوەکەدا کار و چالاکییەکانی پەیوەست بە راپۆرتی پارتە سیاسییەکان سەبارەت بە هەموارکردنەوەی یاساکان گفتوگۆیان لەبارەوە دەکرێ و چوارچێوەیەکیش بۆ ئەو مەبەستە تاوتوێ دەکرێ.
چاوەڕێ دەکرێ ئەو بەڵگەنامەیەی چوارچێوەکە دیاری دەکات، دوای سەری ساڵ پێشکێشی پەرلەمانی تورکیا بکرێ.
کۆمیسیۆنی یەکڕیزی نیشتمانی، برایەتی و دیموکراسی کە دوای بڕیاری خۆهەڵوەشاندنەوە و چەکدانانی پەکەکە لە پەرلەمانی تورکیادا پێکهێنراوە، لە چوارچێوەی 19 کۆبوونەوەدا گوێی لە چین و توێژە جیاوازەکان گرت. بەمەش قۆناخی گوێگرتن کۆتاییهات و پێی نایە قۆناخێکی نوێ کە ئامادەکردنی راپۆرتی کۆمیسیۆنەکەیە.
سەرجەم لایەنەکان راپۆرتیان پێشکێش کردووە و چاوەڕوان دەکرێ تیمێکی تایبەت راپۆرتی کۆتایی ئامادە بکات و دوای پەسندکردنی لەلایەن ئەندامانی کۆمیسیۆنەوە، پێشکێشی پەرلەمانی تورکیا بکرێ.
دوای پێشکێشکردنی راپۆرتی لایەنەکان، محەممەد ئوچووم، راوێژکاری سەرۆککۆماری تورکیا و جێگری سەرۆکی دەستەی سیاسەتە یاساییەکانی سەرۆکایەتیی کۆماری تورکیا لەبارەی پرۆسەی چارەسەری و یاسای قۆناخی گواستنەوە رایگەیاند، نابێت داواکاریی ئەستەم بخرێتەڕوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ